آسترالیانینگ جنوبشرقی ساحللریده یوز بیرگن یاغینگرچیلیک و سوو تاشقینلر نتیجهسیده، ایکی کیشی اولیب و مینگب کیشی ایسه اویلرینی ترک قیلیشگه مجبور بولگنلر.
رویترز آژانسینینگ گزارش بیریشیچه، اوشبو منطقهده سوو تاشقینلر یوز بیرگنیدن کیین، شهرلر و قیشلاقلردن قطاری بیلن علاقه یوللری کیسیلیب، نیچه کیشی یوقالگن و شونینگدیک ۱۰۰دن آرتیق مکتب ایسه تعطیل بولگن.
بیزلرنینگ فیسبوک صحیفهمیزگه باش اورینگ!
آسترالیا رسمیلرینینگ ایتیشلریچه، کیلهسی ۲۴ ساعتده کوپینچه یاغینگرچیلیک پیشبینلیک بولگن.
گزارشلر اساسیده، آسترالیا ده یوز بیرگن سونگی یاغینگرچیلیکلر نتیجهسیده، «نیو ساوتویلز» ایالتینینگ بیر نیچه شهر و قیشلاقلری سوو آستیده قالیب و شونینگدیک قتیق یاغینگرچیلیکلرنینگ دوامی بار.
مذکور ایالت باشوزیری کریس مینز، خبری بیر ییغیلیشده ایتیشیچه: «کیلهسی ۲۴ ساعتده یامانراق خبرلر اوچون اوزیمیزنی تیار قیلگنمیز. بو طبیعی فاجعه جمعیت اوچون جودهیم اچینرلی دیر.»
بیزلرنینگ «ایکس» ترماغی ده هم تعقیب قیلینگ!
نیو ساوتویلز ایالتی باشوزیریگه کوره، قریب ۵۰ مینگ کیشی منطقهلرده اویلرینی ترک قیلیشگه تیار بولیب توختهگن، سوو تاشقینی یوز بیریشی توغریسیده ۱۴۰ هشدار صادر بولگن و ۹ مینگ ۵۰۰دن آرتیق یشش اوی ایسه مستقیم شکلده زیان کورگن. «حاضرگچه خوف باسقیچیدن اوتگنیمیز یوق.»
شونینگدیک آسترالیا شاشلینچ خذمتلر رسمیلرینینگ ایتیشلریچه، «تری» شهری یقینیده «مانینگ» دریاسینینگ سوو سطحی، سونگی یوز ییلدهگی سوو تاشقینلر رکوردیدن آشگن.
