قندوز ولایتی‌ده‌گی چاروه‌چیلردن قطاری نینگ ایتیشلریچه، چاروه‌لر آذوقه‌سی نینگ میده‌لنیشی اوچون سایلیچ ماشینی‌دن قوللنیش، چاروه‌لر نینگ آوقت‌لنیشی خصوصیده مناسب ییچیم یوللریدن بولیب و شونینگدیک چاروه‌لر آذوقه‌سی نینگ چیقیندیلرینی کمه‌یتیره‌دی.
قندوز ولایتی چهادره تومنی‌‌ده‌گی چاروه‌چیلردن بیری باتور نینگ ایتیشیچه، قریب ۶۰ باش چاروه‌سی بار و او سایلیچ ماشینی‌دن فایده‌لنیش بیلن چاروهلری آذوقه‌سینی تیارله‌یدی.
بیزلرنینگ فیسبوک صحیفه‌میزگه باش اورینگ!
مذکور چاروه‌چی نینگ کوپه‌یتیریشیچه، بوندن آلدین سنتی شکلده چاروهلری آذوقه‌سینی تیار قیله‌ر ایکن؛ بیراق ایکینچیلیک ریاستی مذکور تومن‌ده‌گی چاروه‌چیلردن قطاری گه چاروه‌لر آذوقه‌سی نینگ میده‌لنیشی اوچون سایلیچ ماشینی نی ترقه‌تگن.
اونگه کوره: «ایکینیچیلیک ریاستی بیزلر گه سایلیچ ماشین‌لرینی ترقه‌تگن، اوتمیش‌ده جواری و باشقه اوسیم‌لیکلر نی ییزیب و چاروه‌لریمیز گه بیرگنیمیزده، یریمینی ییب و باشقه ییریمی ضایع بوله‌ر ایدی. بو ماشین‌لر بیلن کوپ یخشی شکلده میده بوله‌دی. حتا کیپک نی قوشگنیمیزده هم بیرته‌سی هم ضایع بولمه‌یدی. شو رقم چاروه‌لر یخشی بیر شکلده آذوقه‌لرینی ییه‌دیلر.»
شونینگدیک قندوز ولایتی‌ده‌گی چاروه‌چیلردن باشقه بیری جان‌آغا نینگ ایتیشیچه، چاروه‌لر نینگ آوقت‌لنیشی اوچون سنتی روشدن قوللنیش کوپ قیین ایدی و حاضر ایسه سایلیچ ماشینلری‌دن قوللنیش بیلن چاروه‌لرینی قوله‌ی بیر شکلده آوقت‌لنتیره‌‌دی.
او سایلیچ و سنتی روشدن قوللنیش بیلن چاروه‌لر آذوقه‌سی تیارلنیشی فرقی خصوصیده ایتیشیچه: «کوپ فرقی بار، سنتی شکلده ایشله‌گنیمیزده اوتلر درست بیر شکلده میده بولمس ایدی و بو چاروه‌لر آغزی نینگ یره‌لنیشی گه سبب بوله‌ر ایدی؛ بیراق بو ماشین‌لر بیلن کوپ یخشی شکلده میده بوله‌دی و چاروه‌لر یخشی آوقت‌لنه‌‌دی.»
مذکور چاروه‌چی، باشقه چاروه‌لر گه چاروهلری آوقت‌لنیشی اوچون سایلیچ ماشین‌دن قوللنیشلرینی طلب قیلگن.
شونده‌ی بیرحالده، قندوز ولایتی‌ده‌گی چاروهچیلیک ایشلری بوییچه ایش بیلرمان نظرمحمد هاشم نینگ ایتیشیچه، انسان‌لر نینگ ساغلام و مناسب آوقت‌لنیش گه نیازی بولگنی کبی، چاروه‌لر هم ساغلام آوقت‌لنیش گه نیازی بار. «چاروه‌لر گه تازه شکلده اوت بیره آله‌دیلر و چاروه‌لر آذوقه‌سی اوچون سایلیچ ماشینی‌دن قوللنیش‌ده اوت میده میده بوله‌دی و اوندن قیش موسومی‌ده هم قوللنیش ممکن، چونکه قیش موسومی‌ده تازه اوت بولمه‌یدی.»
شونده‌ی بیرحالده، قندوز ایکینچیلیک، سووغاریش و چاروهچیلیک ریاستی نینگ چاروهچیلیک ایشلری بوییچه آمری نجیب‌الله حسن نینگ سلام‌وطندار گه ایتیشیچه، اوشبو ولایت اینیقسه چهاردره، امام صاحب و دشت‌ارچی‌ده تورلی‌‌خیل قریب ۱.۵ میلیون چاروه بار.
بیزلرنینگ فیسبوک صحیفه‌میزگه باش اورینگ!
جناب حسن نینگ کوپه‌یتیریشیچه، مذکور ولایت‌ده چاروه‌لر نینگ ساغلام شکلده آوقت‌لنیشی اوچون چاروه‌چیلردن قطاری گه سایلیچ ماشین‌لری ترقه‌تیلگن. «قریب ۷۰۰ چاروه‌چی گه ۷ پایه ماشین گروپی شکلده ترقه‌تیلدی. شونینگدیک اولر گه اوروغ ترقه‌تیلگن. اولر گه مذکور ماشین‌لر نینگ ترقه‌تیلمه‌گنیدن آلدین بو ماشین‌لردن قوللنیلیشی اورگه‌تیلگن که حاضر اولر مذکور ماشین‌لردن قوله‌ی بیرشکلده قوللنه‌دیلر.»
ایتیش کیره‌ک که، مملکت بویلب چاروه‌لر نینگ آوقت‌لنیشی اوچون سنتی و قدیمی روشدن قوللنیله‌دی و چاروه‌چیلر، چاروهلری نینگ آوقت‌لنیشی اوچون زمانه‌وی روش‌لرنی اورگنگنلری و شونینگدیک چاروه‌لر آذوقه‌سی نینگ تیار قیله‌دیگن ماشین‌لر اولر اختیاری گه قرار تاپگنی صورت‌‌ده، چاروه‌لر محصولاتی ایشلب چیقریلیش سطحی نینگ سیزیلرلی درجه‌ده کوپه‌یشی ممکن.