احصائیه ملی اداره‌سی اوشبو ییل ده بوغدای حاصلی ۱۳ فایز آشگنیدن خبر بیریب ایتیشیچه، جاری ییل ده افغانستان ده بوغدای حاصلی ۴.۳۵ میلیون متریک تُن گه ییتگن، بیراق ایکینچیلیک وزیرلیگی گه کوره، افغانستان اوشبو ییل ده باشقه ۲.۲۷ میلیون متریک تُن بوغدای گه نیازمند دیر.
ایکینچیلیک، سوغاریش و چاروه‌چیلیک وزیرلیگی سوزلاوچیسی مصباح‌الدین مستعین نینگ ایتیشیچه، اوشبو ییل ده افغانستان توپلم روشده ۶ میلیون متریک تُن بوغدای گه نیازمند دیر و مملکت ده یالغیز ۴ میلیونی تأمینلنه‌دی.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «اوتگن ایکی ییل گه قره‌گنده ۱۴۰۲-ییل ده بوغدای حاصلی، ۳۰۰ مینگ هکتار کوکنار ایکینی بوغدای ایکینی گه اوزگریشی و یاغینچلیک باعث کوپه‌یگن، بو ییل بوغدای حاصلی ۴.۳۵ میلیون متریک تُن گه ییتگن، بیراق مملکت ده ۶.۶۲ میلیون متریک تُن بوغدای کیره‌ک، بیز ۲.۲۷ میلیون متریک تُن بوغدای نی خارجی اولکه‌لردن تأمینله‌ی میز.»
مستعین جنابلری نینگ کوپه‌یتیریشیچه، سونگی اوچ ییل ده کیتمه_کیت قورغاقچیلیک باعث بوغدای حاصلی اینیقسه دیمه بوغدایی حاصلی کمه‌یگن.
باشقه تاماندن، احصائیه و معلومات ملی اداره‌سی گه کوره، دیمه و آبی ییرلرینی تیکشیرو نتیجه‌سی اساسیده، اوتگن ییل گه نسبتن اوشبو ییل ده بوغدای حاصلی ۱۳ فایز و بوغدای ایکیش ییرلری ۹ فایز گه آشگن.
احصائیه و معلومات ملی اداره‌سی سوزلاوچیسی محمدحلیم رافع نینگ ایتیشیچه: «معلومات‌لر گه کوره، اوتگن ییل گه قره‌گنده اوشبو ییل ده آبی ییرلرده بوغدای حاصلی ۴.۴ فایز و دیمه ییرلری ده ۱۵ فایز کوپه‌یگن.»
ایکینچیلیک ایش بیلرمان‌لری نینگ ایتیشلریچه، افغانستان طبیعی منبع‌لر و ایکینچیلیک ییرلر گه ایگه بیر مملکت دیر، ایچکی محصولات آرقه‌لی مملکت ده‌گی احتیاج‌لرینی تأمینلش اوچون ایجابی ریجه‌لر توزه‌تیلیشی کیره‌ک.
بیزلرنینگ «ایکس» ترماغی ده هم تعقیب قیلینگ!
ایکینچیلیک ایش بیلرمانی و بیلیم یورت اوقیتووچیسی خادم همدم گه کوره: «بو ۱۳ فایز آشیش؛ نیازمندلیک‌لردن بیر قسمینی تأمینلشی ممکن، بیراق عمومی آلگنده ییترلی ایمس، بوغدای حاصلاتی کوپه‌یشی اوچون بوغدای ایکین‌لری تیکشیریلیشی لازم.»
باشقه تاماندن، ایکینچیلیک ایش بیلرمانی محمدمسعود ابراهیم‌خیل نینگ ایتیشیچه: «قورغاقچیلیک شرایطی گه قره‌گنده، سوو ییتیشمسلیگی و اقلیم اوزگریشی باعث بوغدای حاصلی آشیشی ییترلی ایمس، بیراق افغانستان ده بوغدای حاصلی کوپه‌یشی اوچون ییر آستی سوولری و دیمه ییرلری باشقریلیشی کیره‌ک.»
ایش بیلرمان‌لر نینگ ایشانچی گه کوره، افغانستان هر ییلی ۱۰ تُن بوغدای گه نیازمند دیر و بیش تُنی خارجی مملکت‌لردن تأمینلنه‌دی.
