پاکستان ده کوپینچه ییل حیات کیچیریب و حاضر مملکت گه قیتگن ۵۵ یاشر جان‌محمد نینگ ایتیشیچه، حاضر ایسه هیچ بیر امکانیت بیلن حیات کیچیرماقده. جان‌محمد مملکت گه قیتگنی و امکانیت‌سیزلیک سبب باله‌لری نینگ تعلیم و تربیه‌سی خصوصیده خواطر بیلدیریب و اسلام امیرلیگی‌دن مملکت گه قیتگن قاچقینلر بیلن بوله‌دیگن نقدی یاردم‌لر یانیده، مملکت گه قیتگن باله‌لر اوچون تعلیم و تربیه زمینه‌سی یره‌تیلیشی نی ایسته‌گن.
شونینگدیک پاکستان دن جبری شکلده چیقریلگن اختر محمد و غزنی قاچقینلر ریاستی گه یاردم قولگه کیلتیریش اوچون مراجعت قیلگن خاتمه نینگ ایتیشلریچه، حاضرگچه حکومت و موسسه‌لر تامانیدن یاردم قولگه کیلتیرمه‌گنلر.
بیزلرنینگ «ایکس» ترماغی ده هم تعقیب قیلینگ!
خاتمه نینگ ایتیشیچه: «ایران دن کیلگنیم‌گه ایکی آی بوله‌دی؛ مهاجرکارتی‌میز هم بار؛ قیین‌‌چیلیک‌لر بیلن رو‌په‌‌ره‌میز. حاضرگچه هیچ کیم بیزلرنی سروی قیلمه‌گن، کرایی اوی‌لرگه حیات کیچیره‌میز؛ اوی وسیله‌لریمیز نی ایران ده ساتدیک؛ هیچ نرسه‌میز یوق. قاچقینلر بیلن همکارلیک بولینیشی نی ایسته‌یمیز.»
غزنی قاچقینلر ریاستی مسئوللری نینگ سلام‌وطندار گه ایتیشلریچه، جاری قویاش ییل نینگ باش تورت آیی جریانیده، اوشبو ولایت‌ده بیرمینگ‌دن آرتیق کیشی نینگ ایران و پاکستان گه قیتگنی ثبت بولیب و اولر ارا ۶۰۰دن آرتیغی عایله‌وی شکلده مملکت گه قیتگن که بیش کیشی‌لیک عایله نینگ هر بیر اعضاسی گه ۲۰۰۰ افغانی نقد پول ترقه‌تیلگن.
غزنی ولایتی قاچقینلر ریاستی نینگ قیته قوشیش ایشلری بوییچه عمومی مدیری درمحمد کاکر نینگ ایتیشیچه: «۱۴۰۳-ییل نینگ باشلنگنی‌دن ۱۴۰۳-ییل سرطان آیی گه قدر، قریب ۱۰۷۶ قضیه ثبت بولیب و اولر آره‌سیده ۶۷۷ عایله و قالگنی ۳۹۹ کیشی دیر. ناوه تومنی‌ده توپلم شکلده ۴۸۶ عایله سروی بولگن؛ اجرستان تومنی‌ده ۳۰۰ عایله سروی بولگن. قاچقینلر گه اسلام امیرلیگی تامانیدن نقدی یاردم بیریلگن. غزنی مستوفیتی‌ده هر بیر عایله گه ۲۰۰۰ فغانی یاردم بیریلگن.»
جناب کاکر نینگ کوپه‌یتیریشیچه، اوشبو اداره قاچقینلر گه یاردم بیریش اوچون بودجه‌سی یوق؛ لیکن غزنی گه قیتگن عایله‌لر اوچون همکار نهادلر آرقه‌لی نقدی و غیرنقدی یاردم‌لر ترقه‌تیلیشی و سروی بولینیشی نینگ دوامی بار.
بیزلرنینگ فیسبوک صحیفه‌میزگه باش اورینگ!
غزنی ولایتی قاچقینلر ریاستی نینگ قیته قوشیش ایشلری بوییچه عمومی مدیری درمحمد کاکر نینگ اورغولشیچه: «قاچقینلر ریاستی نینگ حاضر هیچ نرسه‌سی یوق؛ لیکن سی‌اچ‌ای موسسه‌سی ۱۴۰۳-ییل باشی‌دن حاضرگچه ۲۱ عایله گه نقدی یاردم‌لر بیرگن. دی‌آر‌سی موسسه‌سی ایسه ۱۹ عایله گه نقدی یاردم بیرگن. شونینگدیک ویستا موسسه‌سی حاضرگچه ناوه تومنی‌ده ۲۱۷ عایله نی سروی قیلگن و اجرستان تومنی‌ده قریب ۱۵۰ عایله نی سروی قیلگن. غزنی مرکزی شامل باشقه تومن‌لری‌ده اینگ یقین‌ده ان‌شاءالله سروی بولیشی و نقدی یاردم صورت تاپیشی ممکن.»
سونگی ایکی ییل‌ده پاکستان و ایران دولت‌لری آرقه‌لی افغانستان‌لیک قاچقینلر نینگ جبری شکلده چیقریلیشی، سرپرست حکومت و اهالی اوچون بیر قیین‌چیککه اوزگرگن و سونگی پیتلر ایسه هر کونی اوچ-تورت مینگ کیشی ایران و پاکستان دن داوطلب‌لیک یا-ده جبری شکلده مملکت گه قیتریله‌دی.
