قندهار ایکینچیلیک، سووغاریش و چاروه‌چیلیک ریاستی نینگ ایتیشیچه، سونگی یانغینگرچیلیکلردن کیین، اوشبو ولایت‌ده اوزوم و انار حاصلاتی نینگ سیزیلرلی درجه‌ده کمه‌یشی ممکن.
مذکور ریاست نینگ کوپه‌یتیریشیچه، قندهار ولایتی ژیری معروف و خاکریز تومن‌لریده یوز بیرگن سونگی موسوم‌سیز یاغینگرچیلیکلر، اوزوم و انار باغلری نینگ زیان کوریشی گه سبب بولگن.
بیزلرنینگ «ایکس» ترماغی ده هم تعقیب قیلینگ!
قندهار ایکینچیلیک ریاستی نینگ تخمینی اساسیده، جاری ییل انار حاصلاتی ۱۵ فایز و اوزوم حاصلاتی ۳۵ فایز کمه‌یشی ممکن.
اوشبو ریاست ایکینچیلیک بوییچه متخصصی ایمل حکیمی نینگ ایتیشیچه: «انار حاصلاتی حاضر ایسه قریب اون-اون‌بیش فایز و اوزوم حاصلاتی ایسه کمیده ۳۵ فایز کمه‌یگن.»
شونده‌ی بیرحالده، قندهار ده‌گی باغدارلردن قطاری نینگ ایتیشلریچه، سونگی یاغینگرچیلیک ایکینچیلیککه نیاز بولگن سوو نینگ کوپه‌یشی گه سبب بولگن؛ لیکن یاغیشلر جریانیده ایکینزارلر و باغ‌لر گه هم زیان ییتیشگن.
قندهار ولایتی‌ده‌گی باغدارلردن علی احمد نینگ ایتیشیچه: «بو ییل قریب اون مرته ایکینچیلیک طبیعی سووی بیلن باغ‌لریمیز نی سووغاردیک. قریب بیر یریم آی شو رقم ایدی و میوه‌لر صفتی گه فایده‌لی بوله‌دی.»
شونینگدیک مذکور ولایت‌ده‌گی باغدارلردن باشقه بیری محب‌الله نینگ ایتیشیچه: بو سوو نینگ اوزوم اوچون اونچه‌لیک فایده‌لی ایمس. بو ییل باغ‌لریمیز‌ده اوزوم کمراق بار.»
بیزلرنینگ فیسبوک صحیفه‌میزگه باش اورینگ!
باغ‌دارلر گه کوره، ایکینزارلر و باغ‌لر گه ییتیشگن طبیعی آفتلر یانیده، ییغیم-تیریم موسومی‌ده حاصلاتلری بازار‌ده قالیشی هم، اولر نینگ زیان کوریشلری گه سبب بوله‌دی.
قندهار ایکینچیلیک ریاستی نینگ معلوماتی اساسیده، اوشبو ولایت‌ده ۳۵ مینگ هکتار ییرگه اوزوم و انار باغلری ایجاد بولیب و اورته شکلده اولردن ییل‌ده ۵۰۰ تُن حاصل قولگه کیله‌دی.
