روسیه جمهورباشلیغی ولادیمیر پوتیننینگ ایشانچی گه کوره، بوتون اوکراین روسیه گه تیگیشلی دیر.
او ۳۰-جوزا، جمعه کونی سن پترزبورگ اقتصادی ییغینیده، اوکراین بیلن روسلرنی اورتهسیده هیچ فرق یوق در حقیقت بوتون اوکراین روسیه گه تیگیشلی بولگنینی اېتگن.
بیزلرنینگ فیسبوک صحیفهمیزگه باش اورینگ!
رویترز پوتین گه تیهنیب یازیشیچه، ایلگری بارهیاتگن روسیه قوشینلری، چیگره اورتهسیدهگی حدودنی قوریش اوچون اوکرایننینگ سومی شهرینی هم باسیب آلیشلری ممکن.
پوتین سوزلری دوامیده ایتیشیچه، روسلرنینگ بیر مقالیده «قییرده روس عسکری ایاغ باسسه، اوشه ییر بیزنیکی دیر.»
اوکراین تشقی ایشلر وزیری اندری سیبیها، روسیه جمهورباشلیغی نینگ بوسوزلریگه مناسبت بیلدیریب ایکس صحیفهسیده، پوتین اوکرایننینگ اکثریت حدودلرینی باسیب آلیش اوچون سعی-حرکت قیلماقدهلیگینی یازگن.
بیزلرنینگ «ایکس» ترماغی ده هم تعقیب قیلینگ!
اوکراین تشقی ایشلروزیری گه کوره، پوتیننینگ سوزلری امریکانینگ صلح اوچون آلیب بارهیاتگن سعیوحرکتلری گه اعتبار بیرمسلیگیدن دلالت بیرهدی.
روسیه میلادی ۲۰۲۲-ییلده اوکراین گه هجوم قیلیب و حاضرگه قدر بو مملکتنینگ قریب بیشدن بیر قسمینی ایگللب آلگن.
