اوتگن کونی قندهارده اسلامی امارت کوچلری نینگ اوق اوزیشی نتیجه سیده اولگن عیال نینگ عایله اعضالری و قرینداش‌لری، بوگون ناراضی‌لیک بیر حرکت‌ده او نینگ جسدینی میرویس حوزوی کسلخانه‌سیدن ولایت مقامی گه آلیب باردیلر.
اوشبو ناراضی‌لیک نمایشنی پوشش بیریشنی ایسته‌گن قطار خبرچی‌لر نینگ ایتیشلریچه، اسلامی امارت کوچلری اولر گه اوشبو ناراضی‌لیک نمایشنی پوشش بیریش گه رخصت بیرمه‌ی و اولر نینگ محل گه بارمسلیکلری اوچون تهدید قیلگن‌لر.
بیزلرنینگ فیسبوک صحیفه‌میزگه باش اورینگ!
بونگه علاوه، ژورنالیست‌لردن قطاری نیچه دقیقه حبس گه آلینیب و اولر نینگ ایش جهازلری ضبط ایتیلگن. ایتیلیشیچه، مذکور خبرچی‌لر اوشبو ولایت یشاوچیلری نینگ خواهش-ایسته‌گی و سعی-حرکت‌لری طفیلی قوییب یوباریلگن‌لر.
عین‌حالده، اوتگن کونی قندهارده‌گی منبع‌لر نینگ سلام وطندار گه ایتیشلریچه، بیر عیال مذکور ولایت مرکزی گه قره‌شلی حدودلرده اسلامی امارت کوچلری نینگ اوق اوزیشی نتیجه سیده هلاک بولگن. واقعه اوتگن کونی اسلامی امارت کوچلری، نظارتی بیر ایستگاه‌ده ریکشا گه قره‌ته اوق اوزیش‌لری باعث یوز بیرگن.
منبع‌لر گه کوره، ریکشا ایچیده اوچ عیال ایکن که اولردن بیری اولگن و باشقه بیری یره‌لنگن. ریکشا هیداوچی و باشقه بیر عیال گه ضرر ییتمه‌گن. منبع‌لر نینگ اورغولشیچه، مذکور واقعه قندهار شهری حدودلری گه قره‌شلی «چهارسو» چوکی‌ده یوز بیرگن.
قندهار خوفسیزلیک مسئول‌لری اوشبو واقعه‌نی تصدیقله‌یدی، لیکن معلومات بیرمه‌گنلر.
بیزلرنینگ توییترده هم تعقیب قیلینگ!
عین‌حالده، قندهارده‌گی خبرچی‌لر نینگ ایتیشلریچه، واقعه‌لرنی پوشش بیریش جریانیده جدی تهدید‌لر بیلن روپه‌رولر. شونینگدیک بیرقطار ییتکیرمه‌لر، ینگی‌لیک و گزارش‌لر اسلامی امارت متصدی‌لری نینگ خواستی اساسیده نشر بولیشیدن شکایت قیله‌دیلر.
قندهارده‌گی باشقه بیرقطار ژورنالیست‌لر سوز ایرکین‌لیگی اوچون اجتماعی ترماغ‌لرده کمپاین یولگه قویگن ایدیلر.