اوزبیکستان دولت رهبری شوکت میرضیایف، رسمی تکلیف بیلن امریکا گه بارهدی.
اوزبیکستان جمهورلیک ریاستی، بوگون (۲۸ دلو/۱۷ فبروری) بیر بیانیه ترقهتیب بو حقده خبر بیردی.
بیانیه گه کوره، شوکت میرضیایف امریکا جمهور باشلیغی دونالد ترامپنینگ تکلیفی گه بناً ۱۷-۱۹ فبروری کونلری تینچلیک کینگشینینگ دستلبکی ییغیلیشیده اشتراک ایتیش اوچون عملی تشریف بیلن واشنگتنده بولهدی.
کینگشنینگ بیرینچی ییغیلیشی امریکا تینچلیک انستیتوتیده بولیب اوتهدی همده غزهنی تیکلش، اونگه انسان پرورلیک یاردم کورسهتیش، اوشبو منطقهده تینچلیک و برقرارلیکنی تأمینلش مسئلهلریگه بغیشلنهدی.
اوزبیکستان جمهورلیک ریاستی بیانیهسیده، بو مملکت دولت رهبری ییغیلیش گه اشتراک ایتیش یانیده، امریکانینگ ییریک کمپنیهلری باشلیغلری بیلن اوچرهشیب و اقتصادیات ساحهسیده ایریم شرطنامهلر امضالشی قید ایتیلگن.
ایتیش ضرور کی، تینچلیک کینگشی امریکا جمهور باشلیغی دونالد ترامپنینگ تشبثی بیلن تشکیل ایتیلگن. اوزبیکستان جاری ییل جنوری آییده سویسنینگ داووس شهریده اونگه تأسیسچی دولت صفتیده قوشیلدی.
