کاپیسانینگ انار ییتیشتیریشده مهم ولایتلریدن بیری سنلگن تگاب تومنی، سونگی ییللرده سوو کملیگی سبب حاصللرنینگ جدی شکلده کمهیشی بیلن روپهره بولگن. اوشبو ولایتده انار باغدارلریدن قطاری، سونگی قار یاغیشلرنینگ کوپهیشی بیلن کیلهسی ییل حاصلی یخشیلنیشیگه نسبت امید بیلدیرماقدهلر. مذکور باغدارلرنینگ ایتیشلریچه، کیتمه-کیت قوروقچیلیکلر و یوقاری سووغاریش خرهجتلری سبب، انار باغلریدن قطاری کسللیککه چلینیب و محصوللریدن کوپ قسمی ییتیشمسدن آلدین اورتهدن کیتگن.
اولرنینگ کوپهیتیریشلریچه، بو ییلگی قار یاغیشلر، کیلهسی ییلده انار محصوللری آشیشی اوچون ینگی بیر امیدنی یرهتگن. تگاب تومنیدهگی باغدارلردن بیری ایملنینگ ایتیشیچه، اوتگن ییللرده سوو کملیگی اولرنینگ حاصللری کمهیشیگه سیزیلرلی تاثیر قویگن. اونینگ کوپهیتیریشیچه: «تگاب تومنیده، نیچه ییلدن بیری ییترلی شکلده قار یاغمس ایدی که انه شوو سبب، انارلرگه کسللیک تیگدی و هیچ صفتلی و یخشی اینیقسه بیدانه انار حاصل آلینمس ایدی. لیکن اوتمیشلرده یاغینگرچیلیک بولگنیده یخشی حاصل آلهر ایدیک.»
تگاب تومنیدهگی باغدارلردن باشقه بیری عبدالحلیمنینگ ایتیشیچه، یوقاری سووغاریش صرف-خرهجتی هم اولرگه کوپینچه باسیم کیلتیرگن. شوندهی بیرحالده، باغدارلردن بیری نوشیروان، اوتمیشده قیینچیلیکلر بولگنی بیلن کیلهجککه نسبت امیدوار دیر. اونینگ ایتیشیچه: «مذکور قار و یامغیر، درختدهگی میکروبلر و حشرهلرنینگ اورتهدن کیتیشی توغریسیده فایدهسی بار. بیرینچیده میکروبلر و حشرهلر بیش ییلگچه درختدن پاک بولهدی. ایکینچیده باغلر، درختلرگه دارو سیپیلیشی بیلن اورتهدن کیتهدیگن چیچک کسللیگی کبی کسللیکلردن قوتیلهدی. قار یاغگنیده باشقه دارو سیپیشگه نیاز قالمهیدی. اوتمیشده قار یاغگنیده بو کبی کسللیکلر یوق ایدی. انشاءالله بو ییلگی قار یاغیشلر بیلن ینه اورتهدن کیتیشی ممکن. اوچینچیده هم درختلر حاصلی کوپهیهدی. قار یاغگنیده انار درختلری کوپراق انار آلهدی.»
باشقه بیرتاماندن، باغدارلیک ایش بیلرمانلری، قار یاغیشلر کوپهیشینی ییر آستی سوو منبعلر کوچلنیشی و درختلر وضعیتی یخشیلنیشی دیب و تاکید قیلیشلریچه، مناسب مدیریت بولیش بیلن باغدارلر کیلهسی ییل کوپراق حاصل قولگه کیلتیریشلری ممکن.
بو توغریده باغدارلیک ایش بیلرمانی شیرولی صافینینگ ایتیشیچه: «قار یاغیش انار درخت ریشهسی سلامتلیگیگه ایجابی تاثیر قیله آلهدی. قار ییر درجهسی کمهیشی بیلن ریشهلرنینگ قوریشی آلدینی آلهدی و بعضا ایسه آفتلر و کسللیکلر اورتهدن کیتیشی اوچون مناسب شرایطنی یرهتهدی. شونینگدیک قار ییر نمی کوپهیشی بیلن ریشه آرقهلی فایدهلی مادهلرنینگ جذب بولیشی اوچون امکانیت یرهتهدی. شونینگدیک درخت ریشهسی سلامتلیگینی کوچلنتیرهدی و درخت عمری و یخشیراق تولیدیگه یاردم بیرهدی. قار یاغگنیدن کیین توپراق و سوونینگ فایدهلی مدیریت بولیشی اوچون زمانهوی سووغاریش تکنالوژیلریدن فایدهلنیش، توپراق سقلهنیشی و اصلاح بولیشی، توپراق پاکلیگینی رعایت قیلیش و سوو دخیرهلریدن فایدهلنیش کبی کیرهکلی نیچه اقدام توصیه بولهدی.»
شوندهی بیرحالده، کاپیسا ایکینچیلیک، سووغاریش و چاروهچیلیک ریاستی مسئوللرینینگ ایتیشلریچه، مذکور ولایت ۵۰۰۰ باغگه ایگه بولیش بیلن ۱۷ مینگ تُن محصولنی تولید قیلیش امکانیتیگه ایگه دیر. اولرگه کوره، اوتگن ییللردهگی قوروقچیلیک و سوو کملیگی انار محصولیگه سلبی تاثیرلرنی قویگن؛ لیکن سونگی قار یاغیشلر باغلر وضعیتیگه ایجابی تاثیر قیلگن. کاپیسا ایکینچیلیک باشلیغی محمدنعیم نعمانینینگ ایتیشیچه: «۱۱۶.۳۸ هکتار مساحت بیلن قریب ۵۰۰۰ باغدن قریب ۱۶۷۴۵.۷ تُن محصول بو باغلردن تولید بولهدی. اوتگن ییللردهگی قوروقچیلیک و سوو کملیگی انار محصولیگه سلبی تاثیر قویگن. سونگی قار یاغیشلر انار باغلری وضعیتیگه ایجابی تاثیر قیلگن. ایکینچیلیک ریاستی تگاب تومنیده، باغدارلرنینگ قوللب-قوتلنیشی و آفتلر همده سوو منبعلری مدیریت بولیشی مقصد، باغدارلر و دهقانلرگه تعلیمی برنامهلر و فنی همده مسلکی خادملری آرقهلی باغدارلرگه میکانیکی و آلدینی آلووچی نظارت اصوللری همده قطرهای سووغاریش بوییچه بیر قطار قرارلرنی نظرگه آلگنلر.»
ایش بیلرمانلر و محلی مسئوللرنینگ اورغولشیچه، سوو منبعلرینی درست مدیریت قیلیش و حمایتی برنامهلرنی عملگه آشیریش بیلن، کیلهسی ییل تگاب تومنی باغدارلری اوچون یخشی حاصللی موسوم بولیشی ممکن.
