اسلام امیرلیگی ساغلیقنی سقلش وزیرلیگی، افغانستان ۱۸ ولایتیده بالهلر فلجی (پولیو) گه قرشی ایملش کمپاینی باشلنگنینی بیلدیردی.
اوشبو وزیرلیک سوزلاوچیسی شرافت زمان امرخیل، بوگون (۱۳ دلو / ۲ فبروری، دوشنبه) ویدیو فایل ترقهتیب بو حقده خبر بیردی.
اونگه کوره، پولیو گه قرشی ایملش کمپاینی کابل، ننگرهار، لغمان، کنر، نورستان، پکتیا، پکتیکا، خوست، غزنی، بادغیس، هرات، قندوز، فاریاب، بلخ، زابل، ارزگان، هلمند و قندهار ولایتلریده باشلنگن.
ساغلیقنی سقلش وزیرلیگی، اوشبو کمپاین افغانستان ۱۸ ولایتیده بیش یاشنی تولدیرمهگن ۷.۳ میلیون باله ایملنیشی ممکن دیگن.
افغانستان و پاکستان، دنیا مقیاسیده هنوزگچه پولیو بوتونلی یوق بولمهگن مملکتلردن حسابلنهدی.
