اندونیزیاده قوتقروچیلر ۱۱ یولاوچیسی بیلن قولب توشگن اوچاق قالدیقلرینی، اوشبو مملکتنینگ سولاوسی آرالیده جایلشگن تاغلی و اورمانلی حدودیده تاپدیلر.
خلقارا ییتکرمهلر، بوگون (۲۸ جدی/ ۱۸ جنوری) ترقهتگن گزارشلریده، اوشبو اوچاق اوتگن کون آب-هوا شرایطینینگ ناقولهیلیگی سببلی قولب توشگنینی معلوم قیلگنلر.
ماکاسار قیدیرو اداره باشلیغی محمدعارف انور، یولاوچیلرنی اینیقسه حلی تیریک بولیشی ممکن بولگنلرنی تاپیش بوییچه قیدیرو ایشلری دوام ایتهیاتگنینی ایتگن.
اوشبو اوچاق ایچیده، اندونیزیا دینگیز ایشلری بوییچه وزیرلیگیدن سکیز خدمه و اوچ یولاوچی بولگن، دینگیز آب-هواسینی نظارت قیلیش اوچون سفر قیلماقده ایکنلر.
حربی رسمیلر گه کوره، کوچلی شمال، قلین تومن و ناتیکیس یم-یشیل ییر گه قرهمی قیدیرو ایشلری کوپ قیینچیلیک بیلن دوام ایتماقده.
اندونزیا ۱۷ مینگدن آرتیق آرال بیلن، آلیش-بیریشنی کوپراق دریا آرقهلی عملگه آشیرهدی. شو بیلن بیرگه، بو مملکت سونگی ییللرده ترانسپورت ساحهسیده هلاکتلی حادثهلر گه گواه بولگن.
