امریکا قوشمه ایالتلری سنا مجلسی، فاکسنیوزنینگ سابق نطاقی پیت هگستنی اوشبو مملکت مدافعه وزیری صفتیده ییتیب تعیینلهگن.
خلقارا ییتکرمهلرنینگ گزارش بیریشیچه، امریکا سنا مجلسی اوتگن کون (۵-دلو/ ۲۴-جنوری، جمعه)، ۵۱ ایشانچ آواز بیلن پیت هگستنی بو لوازمگه تعیینلهگن.
بیزلرنینگ «ایکس» ترماغی ده هم تعقیب قیلینگ!
گزارشلر اساسیده، باشده امریکا سنا مجلسینینگ ۱۰۰ اعضاسیدن ۵۰ تهسی هگست گه ایشانچ آواز بیرگن؛ بیراق بو مملکت جمهور باشلیغی دونالد ترامپ اورینباسری جی دی ونسنینگ هگستگه آواز بیریشی بیلن، او امریکا مدافعه وزیری صفتیده تعیینلنگن.
امریکا تاریخیده بو ایکینچی مرته دیر که جمهور باشلیغ اورینباسری، کابینه تامانیدن تکلیف بیریلگن بیر نامزدنینگ صلاحیتی تصدیقلنیشیده رول اوینهیدی. ۲۰۱۷-ییلده مایک پنس امریکا تعلیم بوییچه وزیری صفتیده بتسی دیووسنینگ تعیینلنیشی اوچون ایشانچ آواز بیرگن.
بیزلرنینگ فیسبوک صحیفهمیزگه باش اورینگ!
۴۴ یاشر پست هگست، افغانستان و عراق ده حربی تجربه گه ایگه بولیب، بو مملکت سنا مجلسیده نطق سوزلهب ایتیشیچه: «مکمل بیر کیشی بولمسلیگیم ممکن، بیراق صادق بولیشگه متعهدمین.»
امریکا مدافعه وزیرلیگی اوچون پیت هگستنینگ نامزدلیگی، دموکراتلر حزبی و حتا جمهوریخواه حزبینینگ اوچ اعضاسی مخالفتلری بیلن روپهره بولگن ایدی. امریکا سنا مجلسی اعضالریدن قطارینینگ ایتیشیچه، هگست اوشبو مملکت مدافعه وزیرلیگینینگ اوچ میلیون ایشلاوچیسینی مدیریت قیلیش امکانیتیگه ایگه ایمس.