پروان ولایتی سیاه‌گرد تومنی محلی مسئوللری، اوشبو تومن ده ۱۶یاشر بیر قیز اوزینی اولدیرگنیدن خبر بیرگنلر.
پروان ولایتی سیاه‌گرد تومنی اولسوالی غلام‌محمد جراح اوشبو خبر نی تصدیق‌لب سلام وطندار گه ایتیشیچه، یک‌شنبه کیچه، ۲۶ سنبله، اوشبو ولایت نینگ قول خول تومنی «زی‌بخشی» منطقه‌سیده، «میمونه» اسملی ۱۶یاشر بیر قیز اوزینی آتیب اولدیرگن.
بیزلرنینگ فیسبوک صحیفه‌میزگه باش اورینگ!
جراح جنابلری نینگ کوپه‌یتیریشیچه، مذکور قیز نینگ آته‌سی جمهوریت توزومی ده اربکی پولیسی بولیب و حاضر ایران ده حیات کیچیرماقده و قورالینی صندیغ ایچیده قویگن ایکن، مذکور قیز اوزینی اوشبو قورال بیلن آتیب اولدیرگن.
سیاه‌گرد تومنی اولسوالی غلام‌محمد جراح، مذکور واقعه سببینی عایله‌وی زوروانلیک عنوان قیلیب ایتیشیچه، حادثه گه باغلیق حاضرگچه هیچ کیم قولگه آلینمه‌گن و خوفسیزلیک کوچلر اوز تدقیقات‌لرینی باشله‌گنلر.
بیزلرنینگ توییترده هم تعقیب قیلینگ!
ایتیش کیره‌ک که، زی‌بخشی پروان ولایتی سیاه‌گرد تومنی قمچاق قیشلاغی نینگ شمال_غربی ده جایلشگن هزاره‌لر یشه‌یدیگن منطقه ده بولیب و یشاوچیلری کوپراق ایکینچیلیک ایشلری بیلن مصروف دیر.