پنجشیر ولایتی اوزاق قیشلاق‌لر یشاوچیلریدن بیرقطاری نینگ ایتیشلریچه، بو ولایت ده کوپ سانده باله‌لر توییب آوقت‌لنمسلیککه چلینگن و اولر طبی خذمت‌لردن فایده‌لنه آلمه‌یدیلر.
پنجشیر ولایتی دره تومنی یشاوچیسی شهلا گه کوره، اوچ باله‌سی توییب آوقت‌لنمسلیککه چلینگن، او مسئوللردن باشقه باله‌لری اوشبو کسل‌لیککه چلینمسلیگی اوچون دقت قیلیش‌لرینی سوره‌یدی. او نینگ ایتیشیچه: «اوچ باله‌م توییب آوقت‌لنمسلیککه چلینگن، مسکه بیلن کوچلنتیرووچی اون بیرر ایدی او هم خلاص بولگن دیدیلر. توییب آوقت‌لنمسلیککه چلینمه‌گن و نیازی بولمه‌گنلر گه هم بیریشه‌دی و حتا بازار ده هم ساتیب آلینیب و ساتیله‌دی. مسئوللر دن توییب آوقت‌لنمسلیککه چلینگنلر گه بیریش‌لرینی ایسته‌یمیز.»
بیزلرنینگ فیسبوک صحیفه‌میزگه باش اورینگ!
تورت باله‌سی توییب آوقت‌لنمسلیککه چلینگن کرام‌الدین گه کوره، باله‌لرینی دوالش اوچون کوپ پول مصرف قیلگن بولسه ده، لیکن باله‌لری حاضرگچه ساغلمه‌گن. «ایکیته‌سی اوغیل و ایکیته‌سی قیز دیر. بیری توغیلگندن بویان ضعیف دیر. ساغلیک مرکز گه آلیب باردیک طول قیلدی و توییب آوقت‌لنمسلیککه چلینگنینی ایتدیلر. بیز کبی باشقه‌لر نینگ قیز و اوغیل باله‌لری ضعیف و توییب آوقت‌لنمسلیککه چلینگن.»
باشقه تاماندن، پنجشیر «عبدالله‌خیل» قیشلاغی یشاوچیلریدن امرالدین نینگ سلام‌وطندار گه ایتیشیچه، مسئوللر بو ولایت نینگ مرکزی منطقه‌لریده کوپراق دقت قیله‌دی و اوزاق منطقه‌لر اهالیسی گه دقت قیلمه‌یدیلر. او نینگ کوپه‌یتیریشیچه: «اوتمیش و حاضر ده پنجشیر ساغلیق‌نی سقلش ریاستی اوزاق تومن‌لر اهالیسی گه دقت قیلمه‌گن. کوپراق مرکز ده‌گی منطقه یشاوچیلری گه قره‌یدیلر.»
برچه‌سی بیلن، پنجشیر ساغلیق‌نی سقلش ریاستی اورین باسری خواجه‌آقا غفوری، اوتگن ییل گه نسبتن بو ییل باله‌لر نینگ توییب آوقت‌لنمسلیککه چلینیش میزانی آشکنینی تصدیقلب ایتیشیچه، اوشبو ییل نینگ دستلبکی آلتی آیی ده، حاد توییب آوقت‌لنمسلیککه چلینگن بیر مینگ ۷۷۹ باله رویخط گه آلینگن.
بیزلرنینگ «ایکس» ترماغی ده هم تعقیب قیلینگ!
او نینگ کوپه‌یتیریشیچه: «اولر نینگ ۸۸۵ ته‌سی اوغیل و باشقه ۸۹۴ ته‌سی قیز دیر. توییب آوقت‌لنمسلیککه چلینگنلر گه بیریله‌دیگن دارو برچه ساغلیک مرکزلر ده تاپیله‌دی. حاد توییب آوقت‌لنمسلیککه چلینگن باله‌لر ایمرجنسی کسلخانه‌سی یا که رخه دی‌اچ کسلخانه‌سی گه یوباریله‌دی.»
غفوری، اوشبو کسل‌لیک کوپه‌لیش عاملینی ایش‌سیزلیک، کمبغل‌لیک، عایله‌لر نینگ ییترلی آوقت‌لنه آلمسلیک‌لری، طبی قاعده‌لر رعایت ایتیلمسلیگی و قورغاقچیلیک عنوان قیله‌دی.
بوندن آلدین، بیرلشگن ملت‌لر تشکیلاتی نینگ انسان پرورلیک یاردم‌لرینی هماهنگ قیلووچی دفتری (اوچا)، افغانستان دنیا ده اینگ بویوک بشری بحران بیلن روپه‌ره مملکت‌لردن بولیب و ۲۹.۲ میلیون اهالیسی انسان پرورلیک یاردم‌لر گه محتاج‌لیگینی ایتگن ایدی. اوچا گه کوره، افغانستان ده ۳.۲ میلیون باله توییب آوقت‌لنمسلیککه چلینگن.