پکتیکا محلی مسئوللری نینگ ایتیشلریچه، اوشبو ولایت نینگ تومنلریدهگی اداره‌لردن قریب یریمی، بناسیز دیر و اداری ایشلر خیمه‌لر و کانتینرلرده انجام بیریله‌دی.
پکتیکا حاکمی فیض‌الله جمال نینگ سلاموطندار گه ایتیشیچه، حاضر ایسه اوشبو ولایت نینگ ۲۴ تومن اداره‌لریدن ۱۲ته‌سی بناسیز دیر. اونینگ کوپه‌یتیریشیچه: «قریب ۱۲ تومن اداره‌سی نینگ بناسی یوق، اولر گه بنا توزه‌تیلمه‌گن یا-ده اوروشلر جریانیده بنا‌لری ییقیلگن. قتناو یول‌لر نینگ توزه‌تیلگنی‌دن کیین، تومن‌لرده دولتی اداره‌لر گه بنا توزه‌تیلیشی خصوصیده سعی و حرکت قیله‌میز.»
بیزلرنینگ توییترده هم تعقیب قیلینگ!
گیان، پکتیکا نینگ بناسیز تومن‌لریدن بیری دیر که، حاضر اوشبو تومن‌ده دولتی ایشلر خیمه و کانتینرلرده انجام بیریله‌دی.
گیان تومنی ولسوالی فضل‌الرحمان بلال نینگ ایتیشیچه: «اسلام امیرلیگی‌دن گیان تومنی اوچون بنا توزه‌تیلیشی نی ایسته‌میز؛ چونکه نیاز بار. سوو کم‌لیگی، بناسیزلیک و قیینچیلیکلر بار. اداره‌میزده هم هماهنگ‌لیک یوق.»
پکتیکا یشاوچیلریدن قطاری، اوشبو ولایت تومنلریدهگی اداره‌لر نینگ بنا‌سیزلیگی‌دن شکایت قیلیب ایتیشلریچه، ایسته‌‌کلری نینگ کوریب-چیقیش اوچون پکتیکا نینگ باشقه بولیم‌لری گه باریش گه مجبورلر.
گیان تومنی یشاوچیسی نعمت‌الله نینگ ایتیشیچه: «گیان تومنی اداره‌سیده حاضرگچه بنا و قوماندانلیک یوق. انه شوو سبب، اهالی قیین‌چیلیگی نی بیان قیلیش اوچون هیچ بیر ییر یوق. گیان تومنی‌ده بنا توزه‌تیش و باشقه نیازلری خصوصیده توجه قیلیش‌لری نی ایسته‌یمیز.»
شونینگدیک اوشبو تومن یشاوچیلریدن باشقه بیری عبدالرحمان نینگ ایتیشیچه: «گیان تومنی اداره‌سی بناسیز دیر. مراجعت قیلووچیلر بیر دفتر گه باریش اورنیده، مسئوللر تامانیدن بازارده آلگنلری دفتر یا-ده باشقه بیر ییر گه باریشلری کیره‌ک که، اولر گه ییتیشیش اوچون کوپینچه قیینچیلیکلر گه روپه‌ره‌لر.»
بیزلرنینگ فیسبوک صحیفه‌میزگه باش اورینگ!
پکتیکا محلی مسئوللری نینگ معلوماتی اساسیده، دیله، خوشامند، بکخیل، نعمت‌آباد، چهاربران، گومل، نیکه، گیان و اومنه، اوشبو ولایت نینگ بناسیز تومن‌لریدن دیر.
پکتیکا یشاوچیلری گه کوره، اوتگن ایکی دهه‌ده، اوشبو ولایت‌ده هیچ قنده‌ی ترقیاتی پروژه تطبیق و یشاوچیلر نینگ حیاتی گه هیچ قنده‌ی تغییر کیلمه‌گن.
ایتیش کیره‌ک که، سرک‌لر بوزوق‌لیگی و پاک ایچیملیک سوو گه قول تاپه آلمه‌یش، پکتیکا یشاوچیلری نینگ باشقه قیین‌چیلیکلریدن دیر.
