اسلام امیرلیگی، بوگون (۳۰-حمل، شنبه) پاکستان تشقی ایشلر وزیرلیگینینگ اورین باسری و اوشبو مملکت تشقی ایشلر وزیری محمداسحاق دارنینگ میزبانی اېدی.
اسحاق دار کابل گه سفری دایرهسیده، اسلام امیرلیگی باش وزیری محمدحسن آخوند، اقتصادی اورین باسری عبدالغنی برادر، تشقی ایشلر وزیرلیگی سرپرستی امیرخان متقی بیلن اوچرهشگن.
اسلام امیرلیگی سۉزلاوچیسینینگ اورین باسری حمدالله فطرت، بو اوچرهشوولرده افغانستان و پاکستاننینگ سیاسی، اقتصادی، سودا علاقهلرینی کېنگهیتیریش و بو مملکتده افغانستانلیک مهاجرلرنینگ چیقریش مسئلهلری محاکمه قیلنگنینی معلوم قیلگن.
اونینگ کوپهیتیریشیچه: «محمدحسن آخوند پاکستان باش وزیرینینگ اورین باسری بو مملکت تشقی ایشلر وزیری بیلن سیاسی، اقتصادی، سودا فرهنگی ساحهلرده ایکّی مملکتنینگ مناسبتلری کېنگهیشی و بو مملکتدن افغانستانلیک قاچقینلرنینگ چیقریش مسئلهسی حقیده بحث اېتگن. اوندن کېین، اسلام امیرلیگی باش وزیرینینگ اداری اورین باسری عبدالسلام حنفی بیلن تورلی مسئلهلر اینیقسه افغانستانلیک مهاجرلرنینگ جبری چیقریلیشی توغریسیده گپیرگن.»
بیزلرنینگ فیسبوک صحیفهمیزگه باش اورینگ!
پاکستان تشقی ایشلر وزیرلیگینینگ رسمی بیاناتیده، بو مملکت تشقی ایشلر وزیری اسلام امیرلیگی رسمیلری بیلن ملاقاتلریده، کلیدی مسئلهلر جملهدن چېگره خوفسیزلیگی حقیده تأکید اېتیلگنی کېلگن.
سۉنگی ییللرده افغانستان و پاکستان مناسبتی اینیقسه پاکستاننینگ اسلام امیرلیگی تامانیدن (تیتیپی) اعضالریگه باشپنه بیریش کېتمه-کېت ادعالری، بو مملکتدن افغانستانلیک مهاجرلرنینگ جبری چیقریش جریانی باشلنیشی، چېگرهلر یاپیلیشی و چېگره تارتیشوولریدن سۉنگ، کېسکینلشگن.
عینحالده، سیاسی ایش بیلرمانلرنینگ ایشانچی گه کوره، بوتون قرشیلیکلر بیلن، کابل و اسلامآباد هېچ قچان مناسبتلرینی کېسه آلمهیدی.
سیاسی ایش بیلرمان برنا صالحینینگ ایتیشیچه، کابل و اسلامآبادنینگ مناسبتی اوتگن قریب تورت ییل ایچیده نورمال بولمهگن؛ بیراق شو بیلن هم پاکستان اۉز امنیتی و سرپرست حکومتنینگ منطقهدهگی رقیبلریگه یقینلشمسلیگی اوچون، اسلام امیرلیگی بیلن مناسبتینی سقلب و کوچهیتیریشنی اېستهیدی.
بیزلرنینگ «ایکس» ترماغی ده هم تعقیب قیلینگ!
امنیت و مهاجرلر غایهلری یانیده، اقتصاد و ترانزیتی مسئلهلر، پاکستان تشقی ایشلر وزیری و اسلام امیرلیگی رسمیلری اورتهسیده بحث گه آلینگن موضوعلردن دیر.
خلقارا مناسبتلر بیلرمانی مطیعالله آرینپور، افغانستاننینگ جغرافیه دهگی اورنی و پاکستان گه ترانزیتی باغلیقلیگی حقیده ایتیشیچه، کابل اسلامآباد بیلن یخشی مناسبت قوریش گه نیازمند دیر.
آرینپورنینگ تأکیدلشیچه، سرپرست حکومت ملی منفعت و افغانستان حاکملری برابریده پاکستاننینگ سابقهلی سیاستلری اساسیده، پاکستان بیلن مناسبتلرینی مستحکملش اوچون سعی-حرکت قیلیشی کېرهک.
سۉنگی ییللرده افغانستان و پاکستان مناسبتی امنیت، سیاست و مهاجرت مسئلهلری تأثیری آستیگه قرار تاپگن. شو بیلن بیرگه، افغانستان اقتصادی و ترانزیتی نقطهی-نظردن پاکستان بیلن مناسبتینی اوزهی آلمهیدی.
