پاکستان تشقی ایشلری وزیرلیگینینگ اعلام قیلیشیچه، اوشبو مملکت مدافعه وزیری خواجه محمدآصف، اسلام امیرلیگی نمایندهلری بیلن مذاکره قیلیش اوچون قطر پایتختی دوحه گه کیتگن.
اوشبو وزیرلیک، بوگون (۲۶-میزان، شنبه)، اکس صحیفهسیده بیر بیانیه ترقهتیب یازیشیچه، اسلام امیرلیگی نمایندهلری بیلن پاکستاننینگ مذاکرهلری، افغانستان و پاکستان چیگره حدودلریده تینچلیکنی قیته برقرار ایتیشگه قرهتیلگن.
پاکستان تشقی ایشلر وزیرلیگیگه کوره، بو مذاکرهلرنینگ منطقهده تینچلیک و برقرارلیککه یاردم بیریشیگه امیدوار دیر.
شونینگدیک اسلام امیرلیگی مدافعه وزیری محمدیعقوب مجاهد، پاکستان نمایندهلری بیلن مذاکرهلرنی باشلش اوچون دوحه گه کیتگن.
اسلام امیرلیگی و پاکستان آرهسیدهگی مذاکرهلر، اوتگن ایکی هفتهده اوشبو مملکت حربیسی آرقهلی افغانستان توپراغینینگ اَیریم بولیملری نشانگه آلینگنی بیرحالده، باشلنگن.
