اسلام امیرلیگی سوزلاوچیسی اورینباسری حمدالله فطرتنینگ اکس صحیفهسیده یازیشیچه، پاکستان کوچلری بوگون ایرتهلب (۲-حمل، یکشنبه)، ساعت ۰۹:۳۰ ده، کنر ولایتی ناری تومنی حدودلریده جایلشگن «شانپت» منطقهسیگه هاوان آتگن.
اسلام امیرلیگی سوزلاوچیسی اورین باسریگه کوره، مذکور واقعه نتیجهسیده بیر عیال یرهلنیب و بیر تینچاهالی «شهید» بولگن.
حمدالله فطرتنینگ ایتیشیچه، پاکستان کوچلری پکتیکا ولایتی شکین تومنیده تینچاهالی موترینی اوققه توگن که «مذکور موتر هیداوچیسی ساغ-ساغلام قالیب و واقعه عاقبتیده هیچ کیم گه جانی تلفات ییتیشمهگن.»
اسلام امیرلیگی سوزلاوچیسی ذبیحالله مجاهد، ۲۷-حوت، چهارشنبه کیچه، هییت بیرمی مناسبتی و شونینگدیک سعودی عربستان، تورکیه و قطر کبی مملکتلر ایستهگی بیلن خوفسیزلیک و مدافعه کوچلری، پاکستان گه قرشی «ردالظلم» مدافعه عملیاتلرینینگ وقتینچهلیک شکلده توختهتیشلرینی معلوم قیلگن ایدی.
جناب مجاهدگه کوره، اسلام امیرلیگی دوست و واسطهچی مملکتلرنینگ یخشی نیتیدن قدردانلیک قیلیب و اورغولشیچه، اسلام امیرلیگی «افغانستانلیکلر حیاتی خوفسیزلیگی، افغانستان ملی امنیتی و توپراغی سقلهنیشینی، ملی همده شرعی وظیفهسی بیلیب و تهدید بولگنی صورتده، هر قندهی تجاوزگه جسارت بیلن جواب بیریشی ممکن.»
شونینگدیک پاکستان هم، هییت بیرمی مناسبتی بیلن افغانستان گه قرشی اوز هجومیلرینینگ وقتینچهلیک شکلده توختهتیشینی معلوم قیلگن ایدی.
