پاکستان تشقی ایشلر وزیرلیگی سوزلاوچیسی طاهرحسین اندرابینینگ ایتیشیچه، مملکتی پاکستان و اسلام امیرلیگی آرهسیده واسطهچیلیک بوییچه ایران تکلیفی و سعیوحرکتینی خوش قرشیلهیدی.
پاکستان «دان» کوندهلیگینینگ گزارش بیریشیچه، اندرابی بو موضوعنی اوتگن کون (۲۵-عقرب، یکشنبه)، بیان قیلیب و پاکستان ایراننینگ واسطهچیلیک تکلیفیدن واز کیچمسلیگینی ایتگن.
پاکستان تشقی ایشلر وزیرلیگی سوزلاوچیسینینگ کوپهیتیریشیچه: «ایراننینگ مهم رول اوینهشی ممکنلیگیگه ایشانهمیز؛ ایراننینگ هیچ قندهی واسطهچیلیک رولیدن واز کیچمهیمیز. واسطهچلیک هر دایم کوتیب آلینهدی.»
ینگیلیکده ایران تشقی ایشلر وزیری سیدعباس عراقچی، اسلام امیرلیگی و پاکستان آرهسیدهگی کیسکینلیکلر گه چیک قوییش توغریسیده، کیلهسی کونلرده منطقهای بیر ییغیلیشنینگ اوتکزیلیش احتمالیدن خبر بیرگن.
اسلام امیرلیگی و پاکستان، توقنشوولری حلی اوچون قطر و تورکیه واسطهچیلیگی بیلن اوچ دور اوچرهشوودن سونگ، بیر نتیجه گه ایریشمهگنلر.
