پاکستان عالی اوقوو کمیسیونی، افغانستانلیک طلبهلر اوچون «علامه محمد اقبال» تحصیلی بورسیهلرینینگ اوچینچی باسقیچی باشلنگنیدن خبر بیردی.
اوشبو نهاد، بوگون (۱۲-سنبله، چهارشنبه) بیر بیانیه ترقهتیب بو دستور دایرهسیده تورت مینگ ۵۰۰ افغانستان طلبه گه طبیات، انجنیرلیک، ایکینچیلیک، باشقریش و کمپیوتر ساحهلریده پاکستان بیلیم یورتلریده قبول قیلینیشی ممکن دیب یازگن.
کمیسیون گه کوره، بورسیهلر شهریه تولیق تولهنیشی، یشش نفقهسی، کتاب و یاتاقخانه صرف-خرهجتینی ایچیگه آلیب لیسانس، ماسترلیک و دکترا درجهسیگه قدر اوقیش ممکن.
بو ریجهدن مقصد، پاکستان و افغانستان اورتهسیدهگی ایکّی تامانلمه علاقهلرنی مستحکملش، افغانستاننی قیته قوریش اوچون بشری منبعلر کوچهیشی و ایکّی مملکت اورتهسیده مردمی علاقهلرنی کېنگهیتیریش اتهلگن.
پاکستان عالی اوقوو کمیسیونی، بو دستور افغانستانلیک طلبهلرنی قۉللب-قوتلش یانیده، ایکی مملکت بیلیم یورتلری اورتهسیده بیلیم و مسلک بوییچه همکارلیکلر گه امکانیت یرهتیب و قۉشنی اولکهلر آرهسیده پاکستاننینگ بیلیم اورنینی یوقاری آلیب باریش اوچون فرصت حسابلنیشی گه تأکیدلهگن.
