اسلام امیرلیگی مدافعه وزیرلیگی، خوست و ننگرهار گه پاکستاننینگ اویوشتیرگن هوا هجوملرینی «قارهلب» و بو کبی اقداملرنینگ عاقبتی بولیشی حقیده آگاهلنتیرگن.
مذکور وزیرلیک بوگون ایرتنگ چاغی (۷-سنبله، جمعه)، بیر بیانیه ترقهتیب یازیشیچه، پاکستاننینگ اویوشتیرگن هوا هجومی نتیجهسیده، بالهلر و عیاللر قربان بولگن.
بو بیانیهنینگ بیر بولیمیده کیلیشیچه، پاکستاننینگ هوا هجوملری «ظلم و وحشیانه» دیر.
مدافعه وزیرلیگینینگ آگاهلنتیریشیچه، بو کبی اقداملر هیچ کیمنینگ منفعتیگه ایمس؛ بلکیم «ایکی مسلمان ملت آرهسیده فاصله کوپهیشی و ایکی تامان آرهسیده نفرت کوچهیشی» گه سبب بولهدی.
بیزلرنینگ فیسبوک صحیفهمیزگه باش اورینگ!
بو موضوعلر، چهارشنبه کیچه پاکستان حربیسی خوست و ننگرهار ده تینچ اهالی اویلریگه هوا هجومی اویوشتیرگنیدن کیین صورت تاپگن.
اسلام امیرلیگی تشقی ایشلر وزیرلیگینینگ اعلام قیلیشیچه، ننگرهار و خوست گه پاکستان حربینینگ هجوملریگه جواب اولهراق، کابل ده پاکستان ایلچیسینی چقیریب و اونگه ناراضلیک خطینی تاپشیرگن.
محلی رسمیلر آرقهلی ترقهتیلگن معلومات اساسیده، خوست ده اوچ باله اولیب و بیش کیشی یرهلنگن. شونینگدیک ننگرهار ده بیر عایلهدن تورت کیشی یرهلنگن.
