افغانستان ییگولیک ماده و دارو ملی اداره‌سی گه کوره، افغانستان ده ۵۶ دارو ایشلب چیقریش کمپنیه، ایکی مینگ ۱۰۰ قلم دارو ایشلب چیقریش بیلن مملکت ده‌گی ۱۵ فایز ایچکی نیازلرنی تأمین قیلماقده دیر.
مذکور اداره سوزلاوچیسی داوود هژیر نینگ ایتیشیچه، افغانستان ده ۱۵ قلم دارو ایشلب چیقریلماقده و ایچکی تولیدلرنی قوللب_قوتلش اوچون تشقری دن وارد بوله‌دیگن دارولر تقیق‌لنگن.
بیزلرنینگ فیسبوک صحیفه‌میزگه باش اورینگ!
افغانستان ییگولیک ماده و دارو ملی اداره‌سی سوزلاوچیسی نینگ کوپه‌یتیریشیچه: «ایکی صحی محصول گه خودکفا بولگن میز، آلتی قلم شربت، تورت قلم ملهم، بیر قلم تابلیت، بیر قلم کپسول و بیر قلم پودر شامل ۱۳ قلم دارو دیر. اولکه ده‌گی کمپنیه‌لر تامانیدن ایشلب چیقریلگن دارولر نینگ صفتی یخشی دیر. بازار ده موجود صفت‌سیز دارولر، اوتمیش ده مملکت گه قاچاق روشده آلیب کیلینگن دارولر دیر.»
عین‌حالده، افغانستان دارو صناعتی و ساغلیق‌نی سقلش محصولات اتفاقی، خام ماده‌لر آزلیگی و دارولر قاچاقی روشده آلیب کیلینیشینی، مملکت ده دارو صناعتی برابریده‌گی قیینچیلیک‌لردن عنوان قیله‌دی.
مذکور اتفاق عضوی سیدنور پادشاه روحانی نینگ ایشانچی گه کوره، حد دن آشه دارو قاچاق روشده آلیب کیلینیشی، ایچکی تولیدلر قیمتی پس توشیشی گه سبب بولگن.
افغانستان ییگولیک ماده و دارو اداره‌سی، مملکت گه ناقانونی روشده دارو آلیب کیلینیشی خصوصیده ایتیشیچه، اوشبو جریان آلدی آلینیشی اوچون سعی‌وحرکت قیلماقده‌لر.
بیزلرنینگ توییترده هم تعقیب قیلینگ!
اونگه کوره: «اوتمیش ده مملکت گه ۷۵ فایز دارو قاچاق روشده آلیب کیلینگن ایدی، قاچاق برچه یوللرینی توسیش اوچون تلاش قیلدیک و بو ییل امنیتی اداره‌لر یاردمی بیلن بو ایشنی آلدینی آلیش گه قرار قیلدیک و بو ایش اوچون باش وزیرلیک اقتصادی کینگشی تامانیدن بیر کمیته ایجاد بولگن.»
عین‌حالده، ساغلیق‌نی سقلش وزیرلیگی سوزلاوچیسی شرافت زمان نینگ ایتیشیچه، افغانستان ده دارو صناعتی اوسیشی اوچون سعی‌وحرکت قیلماقده‌لر.
ساغلیق‌نی سقلش وزیرلیگی سوزلاوچیسی نینگ کوپه‌یتیریشیچه: «ساغلیق‌نی سقلش وزیرلیگی، مسئول اداره اوله‌راق بو توغریده ایشینی باشله‌گن و ایچکی تولیدلردن قوللـه‌نیش اوچون سعی‌وحرکت قیلماقده‌میز، دارو ایشلب چیقریش کمپنیه‌لر هم، ستندرد دارو ایشلب چیقریش مقصدیده تلاش قیلیشماقده.»
افغانستان ده دارو ایشلب چیقرووچی کمپنیه‌لر تابلیت، سیرم، قطره، انتی‌بیوتیک و شربت شامل ۶۰۰ قلم دارو ایشلب چیقرماقده‌لر.
