قیزلر یوزیگه بیلیم یورت‌لر ایشیگی یاپیلگنی‌دن کیین، اجتماعی بیلیم‌لر طلبه‌سی بولمیش ۲۲ یاشر فرح دیبا، تسلیم بولمه‌ی، اراده و جسارت بیلن باله‌لیک آرزوسی تامان حرکت قیلیش‌گه قرار آلگن. فرح دیبا‌نینگ ایتیشیچه، آنه‌سی‌نینگ تیکوو‌چیلیک ماشینی‌دن الهام آلیب، تقدیری نی توزه‌تیش خصوصیده اوزی‌گه سوز بیرگن. فرح دیبا حاضر افغانی کییم‌لرنینگ دیزاینری بولگن.
مذکور قیز، خورسند‌لیک بیلن ایشی گه باشله‌گن کونلری حقیده گپلشیب و ایتیشیچه، دستلبکی دیزاین و کییم‌لرینی تیکیش‌ده برماقلری اوچینی کیسگن. فرح دیبا‌نینگ کوپه‌یتیریشیچه، آنه‌سی بیلن دوست‌لری‌نینگ قوللب-قوتله‌گنی سبب، حیات قیین‌چیلیکلری برابریده توخته‌گن. اونگه کوره: «اوزیم دیزاین قیله‌ر ایدیم و آنه‌م تیار قیله‌ر ایدی. باش‌ده یقین دوست‌لریم مین‌دن حمایت قیلگن ایدی و شونینگدیک عایله‌م یانیم‌گه ایدی؛ دوست‌لریم کوپ مینی تشویق قیلدی و اینگ باش‌ده اولر تامانیدن بویورتمه آلدیم.»
بیزلرنینگ «ایکس» ترماغی ده هم تعقیب قیلینگ!
فرح دیبا، مذکور تجارت‌نی آز خره‌جت بیلن باشله‌گن و حاضر ایسه کابل شهری‌نینگ کوپ سودا-ساتیغی بولگن بازارلریدن بیری‌ده دکانی بار. اوشبو طلبه، خلاقیت بیلن اونده‌ی نرسه‌لرنی دیزاین قیلگن که نه فقط مملکت ایچیده مشتری تاپیلگن؛ بلکیم باشقه مملکت‌لر گه هم یوباریله‌دی. «آنلاین شکلده فرمایش بیرگن عیاللر گه یوباره‌من؛ ایشی‌میز پست آرقه‌لی دیر و ۱۰۰ کیلوگرام‌دن کوپراق آلمان گه یوبارماقچین‌میز که برچه‌سی افغانی کییم‌لر دیر.»
مذکور کییم دیزاینری‌نینگ ایتیشیچه، ایشی برابریده کوپینچه توسیق‌لیکلر بار؛ بیراق کوچلی اراده و یخشی کیله‌جککه ییتیشیش امیدی، اونینگ سعی‌وحرکت قیلیشی‌گه سبب بولگن. فرح دیبا‌نینگ کوپه‌یتیریشیچه، ایش و هنری بیلن اینگ قرانغو پیتلریده هم یارغولیککه یول تاپیش و ینگی کیله‌جک‌نینگ قوریش مملکن‌لیگی‌نی کورسه‌تیش‌گه حرکت قیلماقده. «هر قنده‌ی قیین‌چیلیک چیققنی‌ده هم تسلیم بولمه‌دیم؛ مقصدیم شو ایدی که تعلیم‌دن محروم قالگن و عایله سرپرستی بولگن قیزلردن حمایت قیلسم.»
اوشبو کییم دیزاینری، حاضر نه فقط اوزی؛ بلکیم تعلیم‌دن محروم قالگن باشقه ۱۰ قیزگه هم ایش زمینه‌سینی یره‌تگن. «اوی‌ده ایشلش‌نی ایسته‌گن قیزلر گه، اوی‌ده ایش‌لش زمینه‌سینی یره‌تدیک و بو قیزلر سانی کوپه‌یماقده.»
اقتصادی مسئله‌لر بیلرمانلریدن قطاری‌نینگ ایتیشلریچه، عیاللر آرقه‌لی اقتصادی کیچیک فعالیت‌لر‌نینگ باشلنیشی، افغانستان‌نینگ اقتصادی و اجتماعی ترقیاتی‌گه یاردم بیره‌دی.
بیزلرنینگ فیسبوک صحیفه‌میزگه باش اورینگ!
اقتصادی مسئله‌لر بیلرمانلریدن شاکر یعقوبی‌نینگ ایتیشیچه: «سوداگر عیاللر اقتصادی فعالیت‌لری بیلن تولید کوپه‌یشی، ایش فرصت‌لری یره‌تیلیشی و عایله‌‌لر اقتصادی رواجلنیشی‌گه یاردم بیره آله‌دیلر. مذکور ایشلر نه فقط مملکت اقتصادی رواجلنیشی گه سبب بوله‌دی؛ بلکیم اجتماعی مناسبتلر اوزگریشی و جمعیت‌ده عیاللر اورنی کوچلنیشی‌گه یاردم بیره‌دی.»
اوتگن اوچ ییل‌ده عیاللر‌نینگ اقتصادی فعالیت‌لری سیزیلرلی درجه‌ده کوپه‌یگن. خاتین-قیزلر سودا و صناعت اتاقی تامانیدن بیریلگن معلومات اساسیده، سونگی اوچ ییل‌ده ۲۵۰۰دن آرتیق عیال ایش جوازینی قولگه کیلتیریب و باشقه ۱۳۰ مینگ‌دن آرتیق عیال ایسه ایش جوازی بولمه‌سدن اقتصادی کیچیک فعالیت‌لرده ایش بیلن شغللنگن.