هلمند ولایتی دیشو تومنی یشاوچیلری، ۲۱-سنه ده حتا دستلبکی امکانیتدن فایده‌لنه آلمه‌ی و تورلی خیل قیینچیلیک بیلن حیات کېچیریب کېلماقده‌لر.
اولر نینگ ایتیشلریچه، اوشبو تومنده سۉنگی بیش سنه ده حکومت‌لر نینگ دقت‌سیزلیگی باعث تعلیم و تربیه و ساغلیق خذمت‌لر قیینچیلیگی گه علاوه، بوتومنده یالغیز آلتی کیچیک دکان فعال دیر و اهالی اوشبو دکان‌لر آرقه‌لی احتیاج‌لرینی تأمینله‌ماقده‌لر.
بیزلرنینگ فیسبوک صحیفه‌میزگه باش اورینگ!
دیشو تومنی یشاوچیلری سرپرست حکومت دن، بازار قوریش گه علاوه باشقه قولی‌لیک‌لر یره‌تیلیشی اوچون دقت قیلیشینی اېسته‌یدیلر.
دیشو تومنی اولسوالی جمعه‌گل حاجی جانان، اوشبو تومن یشاوچیلری نینگ قیینچیلیک‌لرینی قبول قیلیب ایتیشیچه، بو تومنده بیرقطار ترقیاتی لایحه‌لر عملگه آشیریلیشی گه زمینه یره‌تیش اوچون سعی-حرکت قیلماقده‌لر.
اونینگ کوپه‌یتیریشیچه: «بو تومن حقیقتن جوده هم کمبغل و آرتگه قالگن تومن دیر. بو ییرگه کیلگنی‌میزدن بېری بیر کلینیک، بیر جامع مسجد، بیر مدرسه و قریب ۲۷ کیلومتر سرک نی توزه‌تدیک.»
بیزلرنینگ «ایکس» ترماغی ده هم تعقیب قیلینگ!
عین‌حالده، هلمند ولایتی حاکمی سۉزلاوچیسی محمدقاسم ریاض گه کوره، حکومت اداره‌لری و یاردم بیرووچی نهادلر نینگ اویغون‌لیگی بیلن اوزاق ده جایلشگن تومن‌لر ده ترقیاتی لایحه‌لر عملگه آشیریشنی اوستون قرار بیره‌دی و دیشو تومنی اولردن بیری دیر.
هلمند ولایتی دیشو تومنی ایران و پاکستان بیلن ۳۰۰ کیلومتر چېگره‌داش بولیب و بو ولایت نینگ محروم تومن‌لریدن سنله‌دی و یشاوچیلری حتا دستلبکی امکانیت‌لردن فایده‌لنه آلمه‌یدیلر.
