تیکشیریش عالی ادراه مسئوللری نینگ ایتیشلریچه، اوتگن بیر ییلده، حکومتی اداره‌لرده اختلاس و وظیفه‌وی صلاحیت‌لردن فایده‌لنیش ۲۶ ته دوسیه ثبت بولگن دیر.
مسئوللر، بوگون (چهارشنبه، ۲۵-اسد)، حکومت میدیالری و معلومات مرکزی‌ده، «دولت نینگ ملت گه حساب بیریش» برنامه‌سیده اوشبو اداره نینگ بیر ییل‌لیک ایش گزارشی‌ده، مذکور معلومات نی شریک قیلگنلر.
بیزلرنینگ توییترده هم تعقیب قیلینگ!
اولر نینگ کوپه‌یتیریشلریچه، مملکت بویلب ۲۸۰ حکومتی مرجع نینگ تیکشیریلگنی نتیجه‌سیده، ۳۰ میلیارد افغانی‌دن آرتیغی نینگ آلینیشی و تصفیه ایتیلیشی تثبیت بولیب و ۱۵۲ میلیونی آلینیب و تصفیه بولگن.
تیکشیریش عالی اداره‌سی مسلکی مصلحتچیسی فضل‌الله نظامی نینگ ایتیشیچه: «اوشبو تیکشیریشلر جریانیده، ۶.۴ میلیارد افغانی نینگ آلینیشی و قالگن ۲۴.۶ میلیارد افغانی تصفیه ایتیلیشی تثبیت بولگن که نتیجه‌ده، ۳۳ میلیون افغانی آلینیب دولت خزینه‌لری گه قوییلیب و ۱۱۹ میلیون افغانی‌سی تصفیه بولگن.»
شونینگدیک تیکشیریش عالی اداره مسئوللری نینگ ایتیشلریچه، اوتگن ییل اوشبو اداره‌ده حکومتی اداره‌لردن، ۹۳ شکایت ثبت بولیب و ۸۶ ته‌سی حل بولگن.
دولت نینگ ملت گه حساب بیریش برنامه‌سی دوامی‌ده، شونینگدیک عدلیه وزیرلیگی مسئوللری ۱۴۰۱-ییلی ایش گزارشی نی ارایه قیلیش بیلن ایتیشلریچه، بو ییلده مذکور وزیرلیک آرقه‌لی ۴۹ قانونی حجت تیارلنیب و تدقیق بولگن.
عدلیه وزیرلیگی علمی تدقیقات و قانون‌گذارلیک انستیتیوتی نینگ عمومی رئیسی فضل‌هادی صاحب‌زاده نینگ ایتیشیچه، مذکور حجت‌لر آره‌سیده، ۳۸ قانون‌چیلیک حجت، ۱۰ ته رهنمود و بیر اساس‌نامه شامل دیر.
اونینگ کوپه‌یتیریشیچه: «جمعیت قانونی لایحه‌سی، ییر غصبی آلدینی آلیش قانونی لایحه‌سی، رسمی حجت‌لر ترجمه‌سی و قانون‌لر تصدیقی، افغانستان اسلام امیر‌لیگی ملکی ایشلاوچیلر قانونی، اوشبو وزیرلیک آرقه‌لی اوتگن بیر ییلده تصویق و تدقیق بولگن حجت‌لردن دیر.»
بیزلرنینگ فیسبوک صحیفه‌میزگه باش اورینگ!
شونینگدیک عدلیه وزیرلیگ مسئوللری نینگ ایتیشلریچه، اوتگن بیر ییلده، ۷۹ مینگ و ۵۷۲ ایسته‌ک یا-ده شخصی شکایت‌لر و عایله‌وی، مدنی و تجاری دوسیه‌‌لر شامل ۱۷ مینگ ۵۰۶ حقوقی دوسیه، مذکور وزیرلیک آرقه‌لی حل بولگن.
نیچه مدت‌دن بویان حکومتی تورلی اداره‌لر و وزیرلیک‌لر مسئوللری، شفاف‌لیک مقصد، «دولت نینگ ملت گه حساب بیریش» برنامه‌سی اسمی آستیده، ییل‌لیک ایش گزارشلری نی خبری ییغین‌لر آرقه‌لی میدیالر بیلن شریک قیله‌دیلر.
