تفتیش عالی اداره مسئوللری بوگون «دولت نینگ ملت گه حساب بیریش» برنامه‌سی نینگ دوامی‌ده خبری بیر ییغین آرقه‌لی بیر ییل‌لیک ایشلری و یوتوقلری نی رسانه‌لر بیلن شریک قیلگنلر.
اولر نینگ ایتیش‌لریچه، اوشبو اداره تورلی سند‌لر اینیقسه مالیه‌لر نینگ توللنیلیشی جریانیده بولگن کیچیکیش‌دن توپلنگن جریمه‌لر، گمرکی محصول‌لر، مالیه‌لر نینگ آز حساب‌لنیشی و قیمت‌لر نینگ فرقی نی تیکشیریش بیلن، ۲.۸ میلیارد افغانی دولت خزینه‌سی گه توپلگن دیر.
بیزلرنینگ توییترده هم تعقیب قیلینگ!
اوشبو ییغین‌ده تفتیش عالی اداره نینگ ییریک مصلحت‌چیسی فضل‌الله نظامی نینگ ایتیشیچه، مذکور اداره اسلامی امارت حکومتی نینگ قدرت گه ایریشگنیدن کیین، ۱۳۹ تفتیش نی مرکزی و محلی مرجع‌لرده انجام بیرگن دیر.
تفتیش اداره ییریک مصلحت‌چیسی نینگ کوپه‌یتیریشیچه، اولر نینگ تیکشیریشلری اساسیده ۵۳ اعتراض قولگه کیلگن که، اولردن ۴۱ ته‌سی حل بولگن.
تفتیش اداره مسئوللری عامه بولیم‌لری نینگ تیکشیریلیشی، دولت اداره‌سی نینگ پول مبلغ‌لری و دولتی اداره‌لر سرمایه‌لری نینگ تیکشیریلیشی، اداره نینگ تشکیل طرحی نی توزه‌تیلیشی و درست کیشی‌لر نی استخدام قیلینیشی، تفتیش کیفیتی نی یخشی‌لنیشی، ظرفیت نی یوقاری ایلتیلیشی و حرفوی توزه‌تیلیشی نی اوشبو اداره نینگ بیر ییل جریانیده قولگه کیلتیرگن اینگ اونملی فعالیت و یوتوق‌لریدن حساب‌له‌یدیلر.
بیزلرنینگ فیسبوک صحیفه‌میزگه باش اورینگ!
ایتیش کیره‌ک که، مرکز و ولایت‌لرده عامه پروژه‌لر نینگ عملکردی، وزیرلیک‌لر مرجع‌لریده تکنالوژی سیستم‌لر، دولتی مستقل اداره‌لر، دولتی شرکت‌لر و بلدیه‌لر قانون-قاعده‌لری نینگ رعایتی‌دن تفتیش و تیکشیریش، تفتیش عالی اداره نینگ ایشلری حساب‌لنه‌دی.