بوگون (شنبه، ۲۷- جدی) ساغلیک وزیرلیگی نینگ اعلام قیلیشیچه، اوتگن ۲۴ ساعت ده کرونا ویروس گه شبهه‌لی ۱ مینگ و ۳۴۱ واقعه تیکشیریلگن، کیم بولردن ۴۶ ته‌سی ایجابی انیق‌لنگن.
ساغلیک وزیرلیگی نینگ گزارشی گه کوره، اوتگن بیر کیچه‌وکوندوز ده کرونا گه چلینگن ۳ کسل جان بیرگن و شونینگدیک ۳۱ کسل دارولنگن.
ساغلیک وزیرلیگی نینگ معلوماتی اساسیده، مملکتده حاضرگچه ۵۳ مینگ و ۹۸۱ کیشی کرونا ویروس گه چلینگن، کیم بولردن ۲ مینگ و ۳۳۹ ته‌سی جان بیرگن و باشقه ۴۵ مینگ ۴۶۵ ته‌سی ایسه قیته دارولنگن.
ساغلیک وزیرلیگی گه کوره، مملکتده حاضرگچه ۲۲۴ مینگ و ۶۷۲ کرونا کسلیگه شبهه‌لی واقعه تیکشیریلگن.
دنیا ده حاضرگه‌قدر ۹۴ میلیون و ۳۷۶ مینگ دن آرتیق کیشی کروناگه چلینگن کیم بولردن ۲ میلیون و ۱۹ مینگ دن آرتیغی جان بیرگن و ۶۷ میلیون و ۴۰۳ مینگ دن آرتیغی ایسه دارولنگن.
کرونا ویروسی نینگ کوپینچه ایجابی واقعه‌لری آمریکا، هند، برزیل، انگلستان و روسیه مملکت‌لریده قید ایتیلگن.