افغانستان ده ایچکی و خارجی نادولتی موسسهلرده عیال‌لر ایشی توخته‌تیلیشیدن اوچ هفته اوتگنیدن کیین، بیرلشگن ملت‌لر تشکیلاتی نینگ انسان پرورلیک یاردم‌لر هماهنگ قیلووچی دفتری (اوچا) نینگ ایتیشیچه، عیال‌لر ایشی توخته‌تیلیشی سبب، نیازمند عایله‌لر یاردم ترقه‌تیلیش پروسه‌سیدن تاثیرلنگن.
شونده‌ی بیرحالده، اوچا گه کوره، کیله‌سی کون‌لرده افغانستان نینگ بیر قطار بولیم‌لریده هوای حرارتی منفی ۳۵ درجه‌‌‌گچه توشه‌دی که؛ اوشبو درجه ایسیتووچی وسیله‌لر کبی انسانی یاردم‌لر خصوصیده نیازلر نی کوپه‌یتیره‌دی.
بیزلرنینگ توییترده هم تعقیب قیلینگ!
اوچا نینگ کوپه‌یتیریشیچه: «انسان‌پرورلیک همکارلر نیازمند عایله‌لر گه قیش بسته‌لری جمله‌دن ایسیتووچی وسیله‌لر، کییم و یانغین ماده‌لر اوچون نقد پول یاردم بیرگنلر؛ بیراق نادولتی موسسهلرده عیال‌لر ایشی توخته‌تیلگنیدن کیین، یاردم‌لر ترقه‌تیلیشی شدت‌لی بیرشکلده تاثیرلنگن.»
شونده‌ی بیرحالده، انسان‌پرورلیک نهاد‌لردن بیری نینگ ایشلاوچیسی افغان‌گل حسینی، نادولتی نهاد‌لرده عیال‌لر ایشی توخته‌تیلگنیدن کیین، ایش‌سیز بولگن. اونینگ ایتیشیچه، ییغگن پولی بیلن یالغیز بیر آی عایله نیازلری نی فراهم قیلیشی ممکن.
اونینگ کوپه‌یتیریشیچه، قیش موسومی نینگ قیین کون‌لریده، نادارلیک‌دن رنج ایلته‌دی.
شونینگدیک نادولتی نهاد‌لرده عیال‌لر ایشی توخته‌تیلگنیدن کیین، ایش‌سیز بولگن عیا‌ل‌لردن فروزان داوود‌زی نینگ ایتیشیچه، اوزی و عایله‌سی نینگ کیله‌جگی خصوصیده خواطرده دیر.
اونینگ ایتیشیچه: «روحی قیین‌چیلیککه دوچ کیلدیک. مین و اولاد‌‌لریم نی کیله‌جگی نیمه بولیشی خصوصیده خواطرده‌مین. شونینگدیک اقتصادی قیینچی‌لیک هم بار که، اوتمیش‌ده‌گی عایدیم حاضر ایسه یوق.»
شونده‌ی بیرحالده، اسلام امیر‌لیگی اقتصادی وزیرلیگی مسئوللری بیر طرح خصوصیده خبر بیرگنلر که، اونینگ اساسیده عیال‌لر نادولتی نهاد‌لرده ایش قیلیش گه باره آله‌دیلر.
بیزلرنینگ فیسبوک صحیفه‌میزگه باش اورینگ!
اقتصاد وزیرلیگی سوزلاوچیسی عبدالرحمان حبیب نینگ ایتیشیچه: «بعضی ییرلرده عیال‌لر نینگ ایش قیلیشی نیاز بولگن خصوصیده رسیده‌گی بولسین و بعضی ییرلرده ایسه عیال‌لر نینگ ایش قیلیشی گه ضرورت بولگنی صورت‌ده، اونگه بیر حل یول تاپیلیشی ممکن.»
ایتیش کیره‌ک که، اوتگن کون، بیرلشگن ملت‌لر تشکیلاتی هم، ینه بیر مرته اسلام امیر‌لیگی‌دن عیال‌لر خصوصیده‌گی وضع بولگن چیکلاو‌لر نی اورته‌دن کیتکزیلیشی نی ایسته‌گن.