مالیزیاده آسیا فوتبال کنفدراسیونی رسمی ییغیلیشیده، افغانستان فوتبال فدراسیونی باشلیغی و خلقارا فدراسیون (فیفا) تخنیکی و ترقیات کمیته اعضاسی محمدیوسف کارگر، افغانستان فوتبال میدانلری توزهلیشی اوچون شرطنامه امضالشنی قولگه کیریتگن.
افغانستان فوتبال فدراسیونی، ۳ دلو/ ۲۳ جنوری، جمعه کونی فیسبوک صحیفهسیده بیر بیانیه ترقهتیب بو حقده خبر بیردی.
بیانیه گه کوره، اوشبو ییغیلیش مالیزیا دولتیده بولیب اوتگن و اونده، فوتبال خلقارا فدراسیونی وکیللری اندری، سنجیوان و نهمت همده آسیا فوتبال کنفدراسیونی وکیللری وحید کاردانی، یوگیش و روزبه اشتراک ایتگنلر.
بیانیه اساسیده، هرات و غزنی ولایتلریده فوتبال میدانلری قیته توزهلیشی، شونینگدیک لوگر ولایتیده ینگی سپورت میدانی توزهلیشی اوچون شرطنامه امضالنیش گه کیلیشیلگن.
افغانستان فوتبال فدراسیونی بیانیهسیگه کوره، اوشبو ییغیلیشده قندهار و بلخ ولایتلریده فوتبال میدانلری قوریلیش لایحهلری نهایی بولگن و بدخشان استدیومی قوریلیشی و کابل استدیومی قیته قوریلیشی حقیده بحثلر دوام ایتماقده.
بو لایحهلر، افغانستان فوتبال فدراسیونی و فیفا اورتهسیده رسمی شرطنامه امضالنیشی بیلن باشلنیشی ایتیلگن.
افغانستان فوتبال فدراسیونی، اوشبو لایحهلر امضالنیب و عملگه آشیریلگن حالده، مملکت فوتبالی اوسیش و رواجلنیشنینگ ینگی باسقیچیگه کیریشینی بیلدیرگن.
مملکتده فوتبال میدانلری جدی احتیاجلریدن حسابلنهدی و حاضرگی کونده افغانستانده فوتبال اویینچیلری میدانلر آزلیگی بیلن روپهره دیر.
بو میدانلر، قوریلیشی بیلن فوتبال اویینچیلرینینگ قیینچیلیگی بیر آز حل ایتیلیشی ممکن.
