اسلام امیرلیگی صناعت و سودا وزیری نورالدین عزیزی، اقتصادی همکارلیک تشکیلاتی وزیرلری ییغیلیشی (اکو)ده اشتراک ایتیش اوچون تورکیه گه یېتیب باردی.
اوشبو وزیرلیک، بوگون (۴-قوس/۲۵-نومبر، سهشنبه) بیر بیانیه ترقهتیب، عزیزی تورکیهنینگ رسمی تکلیفی گه بناً بو مملکت گه بارگنینی بیلدیرگن.
بیانیه گه کوره، نورالدین عزیزی اکو ییغیلیشیده اشتراک ایتیش یانیده، «۲۰۲۵ حلال» کورگزمهسی آچیلیش تدبیریده اشتراک ایتهدی.
شو بیلن بیرگه، عزیزی جنابلری تورکیه خصوصی سکتوری وکیللری و اعضالری بیلن اوچرهشیب و اولر بیلن ایکی مملکتنینگ سودا همکارلیکلرینی مستحکملش حقیده بحث ایتیشی ممکن.
اقتصادی همکارلیک تشکیلاتی (اکو)، منطقهدهگی مهم تشکیلاتلردن حسابلنهدی و اعضا مملکتلر اورتهسیده اقتصادی، سودا، مدنیت و تخنیکی همکارلیکلرنی کېنگهیتیریش مقصدیده تشکیل ایتیلگن.
