شمالی کوریا رهبری کیم جونگ اون، روسیه جمهور باشلیغی ولادیمیر پوتین رهبرلیگیدن تحسین قیلیش بیلن ایتیشیچه، پیونگیانگ و مسکو آرهسیدهگی بیردملیک اینگ یقینده کوچهیشی ممکن.
رویترز، بوگون (۱۵-میزان، سهشنبه)، گزارش بیریشیچه، کیم جونگ اون پوتیننینگ توغیلگن کونی مناسبتیگه بولگن مکتوبده ایتیشیچه، ایکی مملکت آرهسیدهگی قوشمه مناسبتلر دوام قیلهدی.
بیزلرنینگ فیسبوک صحیفهمیزگه باش اورینگ!
کیم، پوتین گه خطاب قیلیب یازیشیچه: «صمیمی دوستلیگیمیز و یقین همکارلیگیمیز طفیلی ایکی مملکت آرهسیدهگی مناسبتلر و بیردملیکنینگ کیلهجکده هم دواملی شکلده رواجلنیشیگه شبههم یوق.»
شمالی کوریا رهبری، پوتیننینگ «کوچلی رهبرلیگی» دن تحسین قیلیب و ینه بیر مرته اوشبو مملکتنینگ «ملی حاکمیتیدن دفاع قیلیش اوچون روسیهنینگ عدالتلی کورهشی» دن اوز حمایتینی بیلدیرگن.
بیزلرنینگ «ایکس» ترماغی ده هم تعقیب قیلینگ!
شونینگدیک کیمنینگ اورغولشیچه، پیونگیانگ اوتگن ییلی ایکی رهبرنینگ اوچرهشگنیده امضالنگن همکارلیک کیلیشوونینگ عملگه آشیریلیشی توغریسیده صادق قالهدی.
روسیه و شمالی کوریا مناسبتلری، اوتگن میلادی ییلدن بویان سیزیلرلی درجهده کوچهیگن. ایکی مملکت روسیه شرقیده کیم جونگ اون و ولادیمیر پوتیننینگ اوچرهشگنیدن کیین، حربی، اقتصادی و تکنولوژی همکارلیکلرینی کوچهیتیرگنلر.
