غور ولایتی مرکزی فیروزکوه شهریده بیر قاضی، اوتگن کون شام چاغی (شنبه، ۱۶-ثور)، ناتانیش قوراللی کیشیلر تامانیدن اولدیریلگن.
مذکور قاضی نینگ عایله اعضاسی گه کوره، محمد‌نذیر معنوی اوتگن کون نماز اوقیش اوچون مسجد کیتگن ایکن که، نماز نینگ اوقیلگنی‌دن کیین اوی گه کیله‌دیگن پیتده، ناتانیش قوراللی کیشیلر آرقه‌لی اوققه توتیلیب اولدیریلگن.
بیزلرنینگ فیسبوک صحیفه‌میزگه باش اورینگ!
مذکور قاضی نینگ عایله اعضاسی بولمیش گلاب‌الدین اجتماعی نینگ سلام‌وطندار گه ایتیشیچه: «مفتی صاحب مسجد‌دن چیقیب اویی گه کیتیش پیتده، قوراللی بیر ایرکک آرقه‌لی اوققه توتیلیب اولدیریلدی.»
جناب اجتماعی گه کوره، قوراللی کیشی اوشبو واقعه‌دن کیین قوراللی ایرکک، باشقه بیر موترسایکل هیداوچی بیلن واقعه محلی‌دن قاچگن.
شونده‌ی بیرحالده، محمد‌نذیر معنوی نینگ عایله اعضاسی، مذکور واقعه فیروزکوه شهریده اسلام امیر‌لیگی کوچلری نینگ چیک‌پاینت‌لریدن بیری نینگ نیچه مترلیگی‌ده یوز بیرگنی نی بیان قیلگنلر.
بیزلرنینگ توییترده هم تعقیب قیلینگ!
محمد‌نذیر معنوی، جمهوریت توزومی‌‌ده و اوندن آلدین مملکت نینگ تورلی ولایت‌لری و قضایی نهاد‌لریده ایشلگن ایکن.
ایتیش کیره‌ک که، حاضرگچه اوشبو واقعه مسئولیتی نی بیرار گروه یا-ده کیشی بوینیگه آلمه‌گن. شونینگدیک غور محلی و خوفسیزلیک رسمی‌لری بو توغریده هیچ نرسه دیمه‌گنلر.
