اوتگن “دوشنبه” کونی ناتو تشکیلاتی نینگ متحدلری بو مطلب‌نی افغانستان ملی اردو اعتماد صندوقی نینگ عمومی ییغینیده بیان قیلگن.
ناتو نینگ اوشبو ییغینیده، بو تشکیلات متحدلری افغانستان امنیتی کوچلریگه مالی یاردم بیریش موضوعی‌نی تیکشیریب و میلادی ۲۰۲۱- ییلگهقدر مشارکت‌لر خصوصیده بحث قیلگن.
ناتو تشکیلاتی نینگ باش کاتبی ینس استولتنبرگ نینگ بو ییغینده ایتیشیچه، ناتو نینگ مالی یاردمی میلادی ۲۰۲۴- ییلگهقدر دوام قیله‌دی.
ینس استولتنبرگ نینگ کوپه‌یتیریشیچه، افغانستان امنیتی کوچلریدن مالی حمایت قیلیش، ناتو نینگ اصلی تعهدلریدن بولگن، انه‌شو سبب، افغانستان ملی اردو اعتماد صندوقی قوریلگنیدن بویان ۳.۲ میلیارد دالر توپلنگن.
افغانستان ملی اردو اعتماد صندوقی میلادی ۲۰۰۷- ییل ناتو تامانیدن قوریلگن ایدی.
اوشبو صندوق ایریم فعالیت‌لر هزینه‌سینی تامین‌لش چکه‌سیده، امنیتی کوچلرنی تجهیزلنتیریش، تعلیمات و حربی مسلکلرنی اورگه‌تیش و بو کوچلرنی ظرفیت‌لرینی یوقاری ایلتیش خصوصیده یاردم بیره‌دی.