نوریه صالحی من؛ یاش انجنیر، کابل پولیتخنیک بیلیم یورتیدن فارغ بولگن من. بوگون انجنیرلیک طرح چیزیش مین اوچون اوتمیش کبی قیین اېمس، اېندی مین چتجیپیتی یاردمی بیلن طرح چیزهمن، نه خطکش و پرگار بیلن. طرح چیزیش دفترچهم اېندی الگوریتملر و دیجیتال مدللردن تولگن، نه ماشین حساب و نقشهکشلیک میز. بو اۉزگریش فقط ایش اوسکونهلریم اېمس؛ بلکه انجنیرلیک بولیمیده بولگن قرهشیمنی توبدن اۉزگرتیرگن.
مسلکی ایشیمده، سازهلر تحلیلیدن یشش اوی و تجارتی برنامهلر طرحلرینی توزهتیش اوچون، صنعی هوش ایشیمنینگ اجرهلیب بولمس بیر قسمی گه ایلنگن. اوتمیشده اورته لایحه طرحینی توزیش اوچون ساعتلر اورینردیم؛ بیراق اېندی چتجیپیتی کبی واسطهلر گه معلوماتلرنی کیریتیش آرقهلی، قیسقه وقت ایچیده تخنیکی تحلیل، سازه آغیرلیگینی حسابلش و حتا نقشهسازلیک اوچون تکلیفلر آلیشیم ممکن.
انجنیرلیک ساحهسیده مرکز توشینچهلر و مدللر موجود. اولرنی حل قیلیش اوچون حقیقتن تکنالوژی ضرور. بیر انجنیر اولهراق، انیق مدلسازلیک اوچون کون بویی محنت قیلیب و ماشین حساب بیلن حسابلهی من. بوگون اېسه، صنعی هوش یاردمی بیلن بو جریان انچه آسان و انیقراق بولیب قالگن.
صنعی هوش بیلن تانیشیمنینگ باشلنیشی؛ بخت بیلن تصادف
صنعی هوش بیلن اتفاقی و اجتماعی ترماقلر آرقهلی تانیشدیم. بیرینچی مرته اجتماعی ترماقلرده چتجیپیتینینگ قیزیقرلی صورتلرینی کورگنیمده، قیزیقیشیم اویغاندی، عینن شو قیزیقیش مینی بو ایجابی واسطهنی کوندهلیک حیاتیمده ایشلهتیشگه آلیب کېلدی.
بیرینچی مرته مرکب بیر مسئلهنی حل قیلیش اوچون چتجیپیتی دن یاردم آلگنیمده، قیدیرووچی بیر ماشیندن کوره واسطه بیلن روپهره بولگنیمنی انگلهدیم. اېندی چتجیپیتی کوندهلیک ایشیمنینگ روتین بیر بولیمیگه ایلنگن و اکثریت لایحهلریمده یاردمچی صفتیده خذمت قیلماقده.
البته مین بو واسطهدن فایدهلنهدیگن یالغیز کیشی اېمس من؛ شاگردلریم هم میندن الهاملنیب، اۉزلرینی کتّه تکنالوژی دنیاسیگه ماسلشتیریش گه اینتیلماقدهلر. چتجیپیتی تولیق معناده مکمل بیر اوقیتووچی دیر؛ او معلوماتلرنی عینی دمده بیز گه تقدیم اېته آلهدی. چتجیپیتینینگ تأثیری حقیدهگی مینینگ تجربهم شو که، شاگردلریمدن بیری اتهگی آلتی آی ایچیده جوده یخشی رسام گه ایلنگنینی گواهی بولدیم. اونینگ موفقیت سِری صنعی هوشدن باسقیچمه-باسقیچ کورستمهلرینی عملده قولشی بولدی، بو مین اوچون جوده حیرتلنرلی اېدی؛ هېچ قندهی خرهجتسیز ملَکه آشیریش ممکنلیگی جوده عجایب.
صنعی هوشنی نه امکانیت و نه تهدید؛ بلکه یاردمچی واسطه بیلهمن
بویوک بو دنیاده هر قندهی ترقیات انسانلرنینگ حیاتینی آسانلشتیریش اوچون عملگه آشیریلیشی گه ایشانه من. شو سببلی صنعی هوش انسانلرنینگ فکر قیلیش اورنینی آلمسلیگی کېرهک؛ بلکه انسانلر یخشی عمل قیلیش اوچون یاردم بیریشی لازم. شونینگ اوچون، اگر احتیاط قیلمهسک، بیر کون کېلیب انسان اۉزینی فکرلش گه محتاج اېمسدیک حس قیلیشی ممکن – بو اېسه مینی خواطرگه سالهدی. صنعی هوشدن آنگسیز و مقصدسیز فایدهلنیش انسانلرنینگ کوپلب مهارتلرینی یوقاتیشیگه آلیب کېلیشی ممکن شونی اوچون بو بارهده مسئولیتلی طرزده حرکت قیلیش کېرهک.
تکنالوژی بیلن انسانلرنی یارقین کېلهجک کوتماقده
هه، «برچه اما و اگرلر» گه قرهمی مین ناامید اېمس من. تکنالوژی کېلهجکده انسانلرنی چیتده سورمسدن اولرنینگ یاردمچیسی بولیشیگه ایشانهمن. ترقیات انسانلرنینگ حضورینی یوق قیلیش اوچون سایه اېمس بلکه حیاتنینگ مرکب یوللرینی آیدینلشتیریشنی آرزو قیلهمن.
