کیتمه-کیت حاملهدارلیک، افغانستانلیک آنهلرنینگ جسمانی و روحی سلامتلیگینی تهدید قیلهدی. شفاکارلر اونی آنهلر اولیمی عامللریدن بیلیب و روانشناسلر ایسه اونینگ جدی عاقبتلری توغریسیده آگاهلنتیرهدی.
آلدینی آلیش اوچون بیران یول بار می؟
کابل ده نسایی-ولادی متخصصلری، حاملهدارلیک آرهسیده مناسب فاصله رعایت قیلینیشینینگ نیاز بولگنیگه تاکید قیلهدیلر.
کابل ده نسایی-ولادی متخصصی سونیتا بهرام، آنهلرنینگ سلامتلیگی توغریسیده کیتمه-کیت حاملهدارلیک تاثیرلری حقیده ایتیشیچه: «آنه و چقهلاقنینگ سلامتلیگی سقلنیشی اوچون طبیعی توغیش اورتهسیده کمیده ایکی ییل فاصله و سزارین توغیشلر آرهسیده ایسه اوچ ییل فاصلهنینگ رعایت بولیشی کیرهک. کیتمه-کیت حاملهدارلیک آنهلرده آزیق-آوقت مادهلری کمهیشی، جسمانی و روحی قیینچیلیکلرگه سبب بولهدی.»
بیزلرنینگ «ایکس» ترماغی ده هم تعقیب قیلینگ!
کیتمه-کیت حاملهدارلیک، آنهلر اولیمی میزانی کوپهیشیگه سبب بولیشی بیرحالده، حاملهدارلیک آرهسیده فاصله یرهتیش اوچون تورلیخیل یوللرهم بار.
بانو بهرامنینگ کوپهیتیریشیچه: «حاملهدارلیک آرهسیده وقفه قویش اوچون تورلیخیل یوللر بار. بو یوللردن بیری عیاللرده نفیرلرنی (بچهدان لولهلری) یاپیش یا-ده ایرککلرده اسپرم اوتهدیگن لولهلرنی تیکیش دیر. شونینگدیک جراحی عملیات آرقهلی آنهلر بچهدانینی بوتونلی آلیش، حاملهدارلیکنینگ آلدینی آلیش اوچون اوزون مدتلی اسلوبلردن بیری دیر. بونی یانیده (POP، CEC) آلدینی آلیش تابلیتلردن فایدهلنیش، سایانا یا-ده دیپو-پرووا امپوللری، تیری آستی کپسوللر و بچهدان ایچی لوپلر کبی آز وقتلی یوللر هم بار.»
اوشبو امکانیتلر بیلن، آنهلردن قطاری تورلی سببلر جملهدن ییترلی آگاهیلیکلری یوقلیگی و اجتماعی باسیملر اوچون مذکور اسلوبلردن فایدهلنمهیدیلر.
بیش فرزند آنهسی بولمیش نرگس (مستعار آت)، حاملهدارلیک آرهسیده فاصلهنی نظرگه آلمهی بالهسینی دنیا گه کیلتیرگن آنهلردن بیری دیر. او کیتمه-کیت حاملهدارلیکنینگ جسمانی و روحی تاثیرلری توغریسیده ایتیشیچه: «بالهلریم آز فاصلهلر بیلن دنیا گه کیلگنلر و انه شوو سبب دایم چرچهگن و حوصلهسیزمین. دایمی اویقوسیزلیکلر و اوی و عایلهنینگ آغیر مسئولیتلری، مینگه کوپ باسیم کیلتیرهدی. بالهلرنی ییتیشیش و کوندهلیک ایشلر، اوخلش فرصتینی میندن آلگن.»
دایمی چرچهش و اوزون مدتلی استرسلر، آنه و بالهنینگ روحی ساغلیگی و عایله وضعیتینی تاثیر آستیده قوییشی ممکن.
ایکی فرزند آنهسی بولمیش مرضیه لوگروالنینگ ایتیشیچه، بیر قیز و بیر اوغلینی یالغیز بیر ییل فاصله بیر دنیا گه کیلتیرگن. او، اوزینینگ جسمانی و روحی وضعیتی توغریسیده ایتیشیچه: «هر کونی جسمانی و روحی چرچهش مینی اذیت قیلهدی. بیر آنه، بیر تورموش اورتاق و جمعیتنینگ فعال اعضاسیمین. بو چرچهش بعضا ایشلریمنی یخشی بیر شکلده عملگه آشیره آلمسلیگیمگه سبب بولهدی. کون بیتیشی بیلن کوپ چرچهیمن و کوپینچه اوخلش گه نیازیم بولهدی.»
خلقارا ساغلیقنی سقلش تشکیلاتینینگ معلوماتی اساسیده، حاملهدار آنهلردن ۱۰ فایزی و آنهلردن ۱۳ فایزی توغیشدن کیین روحی قیینچیلیکلر بیلن روپهرهلر. افغانستان ده روانشناسلرنینگ آگاهلنتیریشیچه، کیتمه-کیت حاملهدارلیک بو خطرنی کوپهیتیرهدی.
روانشناسلردن حدیثه یوسفینینگ ایتیشیچه، کیتمه-کیت حاملهدارلیکده «چرچهش، اویقوسیزلیک، باسیملر، بالهلر مسئولیتی و افسردهلیک احتمالینی کوپهتیرهدی.» افسردهلیککه علاوه «اضطراب و دایمی استرس، بالهلرنی تربیهلش توغریسیده تشویش، یقین یاشلر آرهسیدهگی بالهلرنینگ خرهجتی و اولرگه ییتیشیش، آغیر روحی قیینچیلیککه سبب بوله آلهدی.»
بیزلرنینگ فیسبوک صحیفهمیزگه باش اورینگ!
حددن تشقری مسئولیتلر، آنهلرنینگ برچه بالهلری نیازلرینی حل قیله آلمسلیگیگه سبب بوله آلهدی. بانو یوسفینینگ ایشانچیگه کوره، بو موضوع «آنهلرنینگ افسرده بولیشی احتمالینی کوپهیتیره آلهدی؛ چونکه گناه یا-ده ناکاملیکنی حس قیلهدیلر.»
متخصصلرنینگ تاکیدی و آنهلر تجربهلریگه کوره، توغیش آرهسیده مناسب فاصلهنی رعایت قیلیش، نه فقط آنهنینگ جسمانی و روحی سلامتلیگینی تضمین قیلهدی، بلکیم بالهلرنینگ یخشی بیر شکلده رشد قیلیشی و عایلهلرنینگ اجتماعی وضعیتی یخشیلنیشیگه سبب بولهدی.
ایسلتمه:
افسردهلیک، جدی بیر قیینچیلیک بولیب، آنه یا-ده چقهلیکنینگ اولیمیگه سبب بوله آلهدی. بو قیینچیلیکنینگ روانشناس نظری آستیده تخصصی دوالنیشگه نیازی بار. اوشبو قیینچیلیک علامتلرینی اوزینگیزده کورگنیگیزده، التماس، اونی دوالش اوچون اقدام قیلینگ!
