اسلام امیرلیگی اقتصادی اورین باسرلیگی، تدارکات کمیسیونی ییغیلیشیده ۴.۲ میلیارد افغانیلیک ۱۵ لایحه تصدیقلنیب و باشقه ۷ لایحه گه اوزگریریشلر کیلتیریلگنیدن خبر بیردی.
اوشبو اداره، بوگون (۲ جوزا/۲۳ می، شنبه) ایکس صحیفهسیده بیر بیانیه ترقهتیب، ییغیلیش اسلام امیرلیگی باش وزیرینینگ اقتصادی اورین باسری ملا عبدالغنی برادر باشچیلیگیده اوتکزیلگنینی معلوم قیلدی.
بیانیه گه کوره، غزنی ولایتی زردالو توغانینینگ تدقیقاتی ایشلری توگهلیشی، بلخ ولایتی حیرتان بندرینینگ ۱۴ کیلومتر سرکی قوریلیشی، کابل-لوگر سرکی بیرینچی حصهسی باشلنیشیدن سنگنوشته گه قدر بیر سرک قوریلیشی، فاریاب ولایتی لولاش، غزنی ولایتی کهمرد تومنی، دایکندی ولایتی کجران تومنی، بادغیس ولایتی بالامرغاب تومنی، بامیان ولایتی کهمرد تومنی همده خوست ولایتی موسیخیلده عمومی کسلخانهلر قوریلیشی شونینگدیک ولایتلرده برق ییتکزیب بیریش و ترقهتیش لایحهلرنینگ یریم قالگن ایشلری دوام اییتیریلیشی، تصدیقلنگن و اوزگریش کیلتیریلگن لایحهلر گه شامل دیر.
بیانیه اساسیده، اوشبو لایحهلرنینگ خرهجتی اسلام امیرلیگی بودجهسیدن تولنیلهدی.
