پاکستان تشقی ایشلر وزیرلیگی نینگ سوزلاوچیسی ممتاز زهرا بلوچ، جمعه کونی، ۱۷ سنبله، اوشبو مملکت پایتختی اسلام‌آباد ده مطبوعاتی ییغیلیش ده، افغانستان ده امریکا کوچلری دن قالگن قوراللر عصیانچی گروه‌لر قولیگه توشگن‌لیگینی ادعا قیلیب و بو مسئله پاکستان شامل منطقه مملکت‌لر خوفسیزلیگینی تهدید قیلیشیدن آگاه‌لنتیرگن.
او نینگ کوپه‌یتیریشیچه: «بیز هیچ کیمنی عیبدار بیلمه‌ی میز، بیراق افغانستان ده قالگن قوراللر گه دنیا دقت قیلیشی کیره‌ک، چونکه بو قوراللر حاضر عصیانچی گروه‌لر قولیگه توشگن.»
اسلام امیرلیگی سوزلاوچیسی ذبیح‌الله مجاهد، ممتاز زهرا بلوچ نینگ بیاناتینی اساس‌سیز دیب ایتیشیچه، افغانستان ده امریکا کوچلری دن قالگن قوراللر هیچ کیم یا که گروه نینگ قولی گه توشمه‌گن.
بیزلرنینگ فیسبوک صحیفه‌میزگه باش اورینگ!
او نینگ ایتیشیچه، اسلام امیرلیگی افغانستان توپراغی دن یا که حربی اوسکونه‌لریدن باشقه اولکه‌لر گه قرشی فایده‌لنیش اوچون هیچ گروه گه رخصت بیرمه‌یدی.
اونگه کوره: «بو سوزلر اساس‌سیز دیر، برچه قوراللر ثبت و راجستر بولگن مسئول نهادلردن باشقه هیچ کیم بو قوراللردن فایده‌لنه آلمه‌یدی، هیچ کیم اوشبو قوراللرنی قاچاق یا که باشقه اولکه‌لر گه انتقال بیره آلمه‌یدی، پاکستان نینگ بو سوزلری ناتوغری دیر.»
باشقه تاماندن، پاکستان تشقی ایشلر وزیرلیگی سوزلاوچیسی گه کوره، اسلام‌آباد افغانستان ده امریکا نینگ قالگن قوراللری عصیانچی گروه‌لر قولی گه توشیشی گه دایر خواطرلرینی اسلام امیرلیگی رسمی‌لری بیلن شریک قیلگن.
اسلام امیرلیگی سوزلاوچیسی نینگ اورین باسری بلال کریمی گه کوره، اوتگن ایکی ییل ده افغانستان ده امریکا کوچلری نینگ قالگن قوراللری باشقه مملکت‌لر گه قاچاق یا که انتقال بیریلیشی گه دایر هیچ قنده‌ی حجت یوق دیر.
او نینگ کوپه‌یتیریشیچه: «هیچ کیم گه بیر قورال یا که اوق دن ناقانونی فایده‌لنیش گه رخصت بیریلمه‌یدی، پاکستان ده‌گی قیینچیلیک اوشبو مملکت نینگ ایچکی مسئله‌سی دیر بیز گه تیگیشلی بولمه‌یدی افغانستان، منطقه اینیقسه قوشنی مملکت‌لرده صلح و ثبات برقرار ایتیلیش طرفداری دیر.»
بیزلرنینگ توییترده هم تعقیب قیلینگ!
باشقه تاماندن، حربی ایش بیلرمان‌لردن بیرقطاری افغانستان ده امریکا نینگ قالگن قوراللری عصیانچی گروه‌لر قولی گه توشیشی و چیت ایل اولکه‌لر گه قاچاق بولیشینی رد قیلیب ایتیشلریچه، پاکستان بو کبی بیانات‌لری بیلن اسلام امیرلیگی اوستیگه باسیم کیلتیریب و باشقه مملکت‌لردن امتیاز آلیش آرتیده دیر.
حربی ایش بیلرمان‌لردن اسدالله ندیم گه کوره: «اولر نینگ بو سوزلری سیاسی ریکلام دیر، پاکستان اسلام امیرلیگی اوستیگه باسیم کیلتیریش مقصدیده سعی‌وحرکت قیلماقده.»
حربی ایش بیلرمان‌لردن باشقه بیری صادق شینواری نینگ ایتیشیچه: «پاکستان بو کبی بیانات‌لری بیلن دنیا همجمعیت نینگ دقتینی جلب قیلیشنی ایسته‌یدی، ینه بیر تاماندن دوحه بیتیمی عملی بولیش اوچون اسلام امیرلیگی اوستیگه باسیم کیلتیریش مقصدیده تلاش قیلماقده.»
پاکستان رسمی‌لری، نیچه مرته افغانستان ده امریکا حربی کوچلری نینگ قالگن قورال_یراغ‌لری عصیانچی گروه‌لر نینگ کوچه‌یشی گه سبب بولیشینی ادعا قیلگن، لیکن اسلام امیرلیگی رسمی‌لری هردایم بو سوزلرنی رد قیلگن.