سرپرست حکومت سۉزلاوچیسی ذبیح‌الله مجاهد، دوحه اوچینچی ییغیلیشیدن قیتگندن سۉنگ بوگون (۱۳-سرطان، چهارشنبه) کابل شهری ده خبری ییغیلیش ده، اسلام امیرلیگی بیرلشگن ملتلر تشکیلاتی تامانیدن تن آلینگن تقدیرده بو حکومت خلق‌ارا شرطنامه‌لر و کنوانسیون‌لرنی قبول قیلیشینی بیلدیرگن.
اونینگ کوپه‌یتیریشیچه: «بیرلشگن ملتلر تشکیلاتی تامانیدن اسلام امیرلیگی تن آلینگن حالده، خلق‌ارا شرطنامه‌لر و کنوانسیون‌لرنی قبول قیله‌میز، ایکینچیدن خلق‌ارا شرطنامه‌لر اسلام قدریت‌لری و افغانستان ملی منفعت‌لری گه ضد بولمه‌گونچه عمل قیله‌میز.»
بیزلرنینگ فیسبوک صحیفه‌میزگه باش اورینگ!
دوحه اوچینچی ییغیلیشی دن میزبان‌لیک قیلگن بیرلشگن ملتلر تشکیلاتی باش کاتبی نینگ اۉرین باسری روزمری دیکارلو، اۉتگن کون خبری بیر ییغیلیش ده ایتیشیچه، انسان حقلری بولیمیده افغانستان تامانیدن سابق قبول قیلینگن خلق‌ارا شرطنامه‌لر و کنوانسیون‌لر اساسیده، افغانستانده قیزلر نینگ تعلیم مسئله‌سی ایچکی مسئله اېمس و اسلام امیرلیگی بوتوغریده جواب‌گر بولیشی کېره‌ک.
بیراق مجاهد گه کوره، مملکتلر انسان حقلری مسئله‌سیدن اسلام امیرلیگی گه قرشی باسیم اوله‌راق قوللنیش گه حرکت قیلماقده‌لر.
اونینگ ایتیشیچه: «دنیا بیزنی ایچکی ایشلریمیز گه اره‌لشمسلیگینی تأکیدله‌ی من؛ اره‌لشوولر دوام تاپگن حالده، اولر گه قرشی توخته‌‌یمیز، بو یالغیز بهانه اېمس بونی بهانه قیلسه‌لر اېرته و کېله‌سی کون باشقه بهانه قیلیشه‌دی.»
بیزلرنینگ «ایکس» ترماغی ده هم تعقیب قیلینگ!
اسلام امیرلیگی سۉزلاوچیسی، دوحه اوچینچی ییغیلیشینی اونملی دیب، مملکتلر افغانستانده‌گی واقعیت‌لر و اۉزگریش‌لرنی درک قیلیب و افغانستان گه نسبتن مثبت قره‌ش‌لرینی معلوم قیلگن.
اونینگ کوپه‌یتیریشیچه: «امنیت، ثبات و دولت مصرف‌لرینی توللشده حکومت نینگ کوچی، ترقیاتی لایحه‌لرنی عملگه آشیریش و افغانستان خلقی نینگ اتفاق‌لیگینی سقلش مملکتلر تامانیدن قبول قیلینگن موضوع‌لر دیر و بیانات‌لریده هم بونی خوش قرشی له‌دیلر.»
ذبیح‌الله مجاهد نینگ کوپه‌یتیریشیچه، دوحه اوچینچی ییغیلیشی یانیده، ۲۴ مملکت نینگ وکیللری بیلن اوچره‌شگن.
دوحه اوچینچی ییغیلیشی، اوشبو هفته یک‌شنبه و دوشنبه کونلری یولگه قوییلگن اېدی، افغانستان وضعیتی گه دایر قرار آلینمه‌ی و بیانیه‌سیز یکونلندی.
