اسلام امیرلیگی مدافعه وزیری محمدیعقوب مجاهد، کابلده چین ایلچیسی جاو شینگ بیلن اوچرهشدی.
مدافعه وزیرلیگی، ۲۰ حمل/۹ اپریل، پنجدن جمعه گه اوتر کیچه، ایکس صحیفهسیده بیر بیانیه ترقهتیب، مجاهد و جاو شینگ افغانستان و چین اورتهسیدهگی مناسبتلر، امنیتی همکارلیکلر و منطقهده دوام ایتهیاتگن سونگی اوزگریشلر حقیده بحث ایتگنینی معلوم قیلدی.
بیانیه گه کوره، چین ایلچیسی ارومچی مذاکرهلری بارهسیده چین موضعسی حقیده ایسلب و بو جریان دوام تاپیشیگه امید بیلدیردی.
شونینگدیک، مدافعه وزیرلیگی، منطقهده امنیت برقرار ایتیلیشی افغانستان اوچون مهم دیگن.
چین اوتگن هفته، افغانستان و پاکستان اورتهسیدهگی کیسکینلیکنی کمهیتیریش بوییچه مذاکرهلر گه میزبانلیک قیلدی. تامانلر اوشبو مذاکرهلرده کیسکینلیکنی کوچهیتیروچی حرکتلردن تییلیش حقیده کیلیشیب آلدیلر.
