اسلام امیرلیگی سوزلاوچیسی ذبیحالله مجاهدنینگ اعلام قیلیشیچه، پاکستان کوچلری بوگون ایرتهلب (۲۳-میزان، چهارشنبه)، قندهار ولایتی اسپینبولدک تومنیده آغیر و یینگیل قوراللر بیلن هجوم قیلگنلر.
مجاهد، اکس صحیفهسیده یازیشیچه، مذکور هجوملرده ۱۲ تینچاهالی «شهید» و ۱۰۰ دن آرتیق کیشی یرهلنگن.
اونینگ کوپهیتیریشیچه، پاکستان هجوملریدن کیین اسلام امیرلیگی کوچلری جواب قیتریشگه مجبور بولیشگن.
اسلام امیرلیگی سوزلاوچیسیگه کوره، توقنشوو جریانیده «پاکستان حربیلریدن کوپ قطاری هلاک بولیب، اولرنینگ قرارگاهلری و حربی جهازلریدن قطاری، قولگه کیلیب یا-ده بوزیلگن.»
مجاهدنینگ ایتیشیچه، اسلام امیرلیگی کوچلری بوگون ایرتهلب ساعت ۰۸:۰۰ ده اوروش کنترولینی قولگه آلگن. «مجاهدلر یوقاری روحیه بیلن مملکت توپراغی و یشاوچیلردن دفاع قیلیش گه تیار دیر.»
