سرپرست حکومت باش وزیری نینگ سیاسی اورین باسری محمد عبدالکبیر، ایران ینگی جمهور باشلیغی مسعود پزشکیان نینگ آنت ایچیش مراسمی‌گه شرکت قیلیش مقصد، مذکور مملکت گه کیتگن.
اسلام امیرلیگی سوزلاوچیسی اورین باسری حمدالله فطرت نینگ ایتیشیچه، محمد عبدالکبیر مذکور اوچ کون‌لیک سفری جریانیده ایران رسمی‌لری بیلن سیاسی، اقتصادی و سوداگرلیک علاقه‌لرنی کینگه‌یتیریش و افغانستان‌لیک قاچقینلر قیین‌چیلیگی حلی خصوصیده هم صحبت قیلیشی ممکن.
بیزلرنینگ فیسبوک صحیفه‌میزگه باش اورینگ!
ایران ینگی جمهور باشلیغی مسعود پزشکیان نینگ آنت ایچیش مراسمی ایرته یولگه قوییله‌دی.
ایران‌لیک ییتکیرمه‌لر، اوتگن کونی مذکور مراسم گه تورلی خلق‌ارا تشکیلات‌لر و تشقی رسمی‌لردن ۷۰ خارجی هیئت نینگ حضوری قطعی بولگنیدن گزارش بیرگنلر.
بیزلرنینگ «ایکس» ترماغی ده هم تعقیب قیلینگ!
ایران، اسلام امیرلیگی بیلن یخشی مناسبتلرگه ایگه و افغانستان بیلن کوپینچه سوداگرلیک علاقه‌سی بولگن مملکتلردن دیر. اسلام امیرلیگی رسمی‌لری اوتگن اوچ ییل‌ده نیچه مرته ایران بیلن سیاسی و سوداگرلیک علاقه‌لری کینگه‌یشی مقصد، مذکور مملکت گه سفر قیلگن.
