میدانوردک امنیه قوماندانلیگی، سلاموطندار گه یوللـهگن مکتوبیده، اوشبو ولایتنینگ جغتوی تومنیده هاوان اوقی پارتلشی نتیجهسیده ایکی کیچیک باله یرهلنگنینی معلوم قیلدی.
بیانیه گه کوره، بو واقعه ۱۵-قوس/۶-دیسمبر، شنبه کونی، اوشبو بالهلر جغتوی تومنی «خدران» قیشلاغی حدودلریده اوتگن اوروشلردن پارتلمهی قالگن هاوان اوقی بیلن اوینهیاتگن پیتده یوز بیرگن.
بیانیه اساسیده، محل یشاوچیلری و مسئوللر واقعه طفیلی یرهلنگن بالهلرنی دوالش اوچون، جغتو تومنی ساغلیق مرکزیگه آلیب بارگنلر.
شو بیلن بیرگه، ایکی ایناغه شامل اوچ کیشی، اوتگن کون توشدن سۉنگ ننگرهار کامه تومنیده اوتمیشدن پارتلمهی قالگن اوق پارتلشی عاقبتیده هلاک بولگنلر.
ننگرهار امنیه قوماندنلیگی سۉزلاوچیسی سیدطیب حماد، اوشبو واقعه کامه تومنی «ده غازی» قیشلاغیده یوز بیرگنینی ایتگن.
ایتیش ضرور کی، افغانستانده اوتمیشدن پارتلمهی قالگن ماینلر پارتلشی، انده-سنده یشاوچیلر اینیقسه بالهلردن قربانلیک آلهدی.
