قماقخانه‌لرنی ترتیب گه سالیش اداره مسئوللری، اسلام امیرلیگی ایکّینچی مرته حاکمیت نی قولگه آلگنیدن بیری، بیر مینگ ۱۰۰ افغانستان‌لیک محبوس، ایکّی باسقیچ‌ده افغانستان محبوس‌لرینی انتقال بیریش کمیته تامانیدن، ایران‌دن افغانستان گه آلیب کېلینگنینی اېته‌دیلر.
اوشبو اداره سۉزلاوچیسی محمدنسیم لالهاند سلام‌وطندار بیلن اوتکزگن صحبتیده ایتیشیچه، ایران‌ده افغانستان ایلچیخانه‌سی‌نینگ معلوماتی اساسیده، حاضرگی کونده آلتی مینگ‌دن سکیز مینگ افغانستان‌لیک، ایران‌نینگ تورلی تورمه‌خانه‌لریده محکومیت دوره‌سینی اۉتکزماقده دیر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «فتح‌دن حاضرگه قدر ایکّی باسقیچ‌ده قریب بیرمینگ ۱۰۰ افغانستان‌لیک ایران تورمه‌خانه‌لریده محکوم بولگن اېدیلر، ایران‌دن افغانستان محبوس‌لری‌نینگ انتقال بیریش کمیته تامانیدن یا-ده بو کمیته‌نینگ سعی-حرکتی باعث افغانستان گه انتقال بیریلگن و انتقال بیریلگنیدن سۉنگ افغانستان قاعده‌لری اساسیده اولر بیلن یانده شیله‌دی.»
۲۸-جدی، جمعه کونی، افغانستان باش قاره‌لاوچیلیک اداره‌سی اورین باسری عبدالمالک حقانی باشچیلیگیده قضایی بیر هیئت، افغانستان‌لیک محبوس‌لر گه عاید مسئله‌لر حقیده بحث اېتیش اوچون، ایران گه بارگن.
بیزلرنینگ «ایکس» ترماغی ده هم تعقیب قیلینگ!
باش قاره‌لاوچیلیک اداره، اسلام امیرلیگی‌نینگ قضایی هیئتی افغانستان و ایران اورته‌سیده قضایی همکارلیک‌لرنی مستحکم قیلیش، ایران‌ده افغانستان‌لیک محبوس‌لرنینگ حقوقی تأمین اېتیلیشی، ایکّی مملکت اورته‌سیده همکارلیک‌لرنی کېنگه‌یتیریش، ایران‌ده افغانستان‌لیک محبوس‌لر دار گه آسیلیشی گه توسیق بولیش و محبوس‌لرنینگ افغانستان گه انتقال بیریش مسئله‌لری حقیده بحث اېتیش اوچون ایران گه بارگنینی اېتگن.
بوندن آلدین، ایران انسان حقلری تشکیلاتی میلادی ۲۰۲۴-ییل‌نینگ دستلبکی ۱۰ آیی‌ده، ۴۹ افغانستان‌لیک دار گه آسیلگنینی اېتگن اېدی.
