اسلام امیرلیگی احصائیه و معلومات ملی ادارهسی، قویاش ۱۴۰۴ ییل، جدی آییده ۲ مینگ ۳۹۶ چیت ایللیک افغانستان گه کیلیب کیتگنینی بیلدیردی.
اوشبو اداره، بوگون (۷ دلو/ ۲۷ جنوری، سهشنبه) ایکس صحیفهسیده بیر بیانیه ترقهتیب بو حقده خبر بیردی.
بیانیگه کوره، اوشبو کیشیلر مملکت چیگره بندرلری و هوا قونالغهلری آرقهلی کیلیب کیتگن.
احصائیه و معلومات ملی ادارهسینینگ بیانیهسیده، اوشبو آی ایچیده ۴۳ عیال، بیر مینگ ۲۲۷ ایرکک مملکت گه کیلگن و عکسینچه، بیر مینگ ۱۶۹ چیت ایللیک، اولرنینگ ۲۵ نفرینی عیاللر تشکیل بیرگن مملکتنی ترک ایتگنی قید ایتیلگن.
بیانیه اساسیده، جدی آییده مملکت گه کیلگنلردن بیر مینگ ۲۱۸ نفری چیگره بندرلر و ۹ نفری ایسه هوا قونالغهلری آرقهلی مملکت گه کیلگنلر. اولر ارا ۱۱۸ نفری افغانستاننینگ تاریخی و باستانی جایلرینی کوزهتیش و قالگنی، ایش اوچون کیلگنی معلوم قیلینگن.
