فلسطین ساغلیق‌نی سقلش رسمی‌لری، اسرائیل اردوسی‌نینگ غزه گه هجوملری عاقبتیده چمه‌سی ۱۱۱ کیشی قربان بولیب وباشقه اونلب کیشی یره‌لنگنینی معلوم قیلگنلر.
خلق‌ارا یېتکرمه‌لر، بو کیشیلر ۲۷-عقرب، یک‌شنبه کونی اسرائیل اردوسی‌نینگ غزه تورلی حدودلریده اویوشتیرگن هجوملری عاقبتیده قربان بولگنینی اېتگنلر.
بیزلرنینگ فیسبوک صحیفه‌میزگه باش اورینگ!
معلومات‌لر اساسیده، مذکور کیشیلرنینگ ۵۰ نفری اسرائیل اردوسی‌نینگ غزه شمالی حدودلری «بیت‌لاهیه» شهریده نیچه قووتلی بناده‌گی هجومیده هلاک بولگنلر.
اسرائیل و حماس اۉرته‌سیده اوروش باشلنگنیدن قریب ۱۴ آی اوتماقده اېکن، اوشبو مدت ایچیده غزه‌ده آتیش کېسین برقرار اېتیلیشی اوچون خلق‌ارا واسطه‌چیلرنینگ برچه سعی-حرکتلری حاضرگه قدر نتیجه بیرمه‌گن.
بیزلرنینگ «ایکس» ترماغی ده هم تعقیب قیلینگ!
فلسطین ساغلیق‌نی سقلش وزیرلیگی‌نینگ معلوماتی اساسیده، اسرائیل و حماس اۉرته‌سیده اوروش باشلنگنیدن بیری، فلسطین‌لیک ۴۳ مینگ ۸۰۰ دن آرتیق کیشی قربان بولیب و باشقه ۱۰۳ مینگ ۷۰۰ کیشی یره‌لنگن. بو مدت ایچیده غزه‌ده‌گی توقنشوولرده اسرائیل‌لیک ۳۷۶ عسکر هلاک اېتیلگن.
