ایران سابق رهبری سیدعلی خامنهای اوغلی سیدمجتبی خامنهای، بو مملکتنینگ ینگی رهبری صفتیده ییتیب تعیینلندی.
فارس آژانسی، ۱۷ حوت/۸ مارچ، یکشنبهدن دوشنبه گه اوتر کیچه، ایکس صحیفهسیده بیر بیانیه ترقهتیب، سیدمجتبی خامنهای خبرگان مجلسی آوازی بیلن، ایراننینگ اوچینچی رهبری صفتیده تعیینلنگنینی بیلدیردی.
معلوماتلر گه کوره، ایران ینگی رهبری مجتبی خامنهای، بو مملکت یشاوچیلریدن بیرقطاری و ایران ایچکی ییتکرمهلری اشتراکی بیلن تعیینلنگن.
بوندن آلدین امریکا و اسرائیل، هر کیم ایران ینگی رهبری ییتیب تعیینلنسه نشانگه آلینیشی حقیده آگاهلنتیرگن بیرحالده، مجتبی خامنهای ایران رهبری صفتیده ییتیب تعیینلنگن.
مجتبی خامنهای، آیتالله سیدعلی خامنهاینینگ ایکینچی اوغلی دیر و ۱۳۴۸ ییلی ایراننینگ مشهد شهریده توغیلگن.
سیدعلی خامنهای، قریب ۱۰ کون آلدین امریکا و اسرائیلنینگ ایران گه قوشمه هجوملری نتیجهسیده اولدیریلدی.
