ملی مدافعه وزیرلیگی، ۷-دلو، یک‌شنبه کونی ایکس صحیفه‌سیده بیر بیانیه ترقه‌تیب، اوشبو وزیرلیک سرپرستی محمدیعقوب مجاهد، کابل‌ده ایران تشقی ایشلر وزیری سیدعباس عراقچی باشچیلیگیده هیئیت بیلن اوچره‌شگنینی معلوم قیلگن.
بو اوچره‌شووده، مدافعه وزیرلیگی سرپرستی ایران هیئتی‌نی خوش قرشی‌لب، ایران و افغانستان‌نی کوپینچه مشترکی بولگن ایکّی قۉشنی مملکت اته‌ب و ایکّی تامانلمه مناسبت کېنگه‌یشی و مستحکم‌لنیشی گه تأکید اېتگن.
بیزلرنینگ فیسبوک صحیفه‌میزگه باش اورینگ!
شونینگدیک، ایران تشقی ایشلر وزیری، ایکّی مملکت‌نینگ مشترک‌لری گه اشاره قیلیش یانیده، «اورتاق‌لیک مناسبت» و تورلی ساحه‌لرده یقین همکارلیک‌لری بولیشی گه تأکید اېتگن.
بیانیه‌ده کېلیشیچه، ایکّی تامان اقتصادی همکارلیک‌لر، چېگره و باشقه موضوع‌لر حقیده بحث اېتگن.
سیدعباس عراقچی، اوتگن کون ایرته‌لب سیاسی و اقتصادی بیر هیئت باشچیلیگیده اسلام امیرلیگی رسمی‌لری بیلن مذاکره قیلیش مقصدیده کابل گه کېلیب و اسلام امیرلیگی باش وزیری محمدحسن آخوند و تشقی ایشلر وزیرلیگی سرپرستی امیرخان متقی بیلن علیحده اوچره‌شگن.
بیزلرنینگ «ایکس» ترماغی ده هم تعقیب قیلینگ!
سیدعباس عراقچی، اسلام امیرلیگی ایکّینچی مرته قدرت‌نی آلگنیدن سۉنگ، افغانستان گه سفر قیلگن ایران ییریک رسمی‌سی سنله‌دی.
