کابل ولایتی نینگ قره‌باغ تومنی مسووللری نینگ ایتیش‌لریچه، ایکی خبرچی نینگ جسدی قره‌باغ و استالف تومن‌لری آره‌سیده جایلشگن مسکونی بیر اویدن تاپیلگن.
اولرنینگ ایتیش‌لریچه، خورشید تلویزیونی نینگ ایکی خبرچی‌سینی جسدی اوتگن “پنجشنبه” کونی شام چاغیده، کسلخانه‌گه انتقال بیریلگن.
قره‌باغ تومنی ولسوالی خواجه محمد حنیف صدیقی نینگ بو خبرنی تصدیق‌لب سلام‌وطندارگه ایتیشیچه، اوشبو ایکی کیشی زهرلنگنیدن سونگ جان بیرگن.
جناب صدیقی نینگ کوپه‌یتیریشیچه، خورشید تلویزیونی نینگ سابق ایشلاوچیسی و اونینگ یاردمچی‌سی فهیمه نینگ جسدی استالف تومنیده مسکونی بیر اویدن تاپیلگن.
ایچکی ایشلر وزیرلیگی سوزلاوچیسی طارق آرین نینگ ایتیشیچه، خورشید تلویزیونی نینگ سابق ایشلاوچیسی محمدرفیع صدیقی گاز توتگنی سبب جان بیرگن.
محمدرفیع صدیقی، سابق سیلاو ایرکین کمیسیونی نینگ میدیالر کمیته‌سی باشلیغی صفتیده فعالیت قیلگن.
دولتی مسووللر بو واقعه تیکشیریلیشیدن خبر بیرگن.