سلام‌وطندار، روحی کسللیکّه چلینگنلرنینگ مصلحت بیرووچی مرکزلردن فایده‌لنیش‌لرینی انیقلش اوچون، بو کسللیکّه چلینگن ۳۰ یاش بیلن سوراو اوتکزگن. بو سوراو مملکت ۱۴ ولایتیده اوتکزیلگن. گزارش‌ده صحبت قیلگنلردن ۱۲ نفری، جامعه‌ده‌گی منفی اویلاولردن قورقیش، اقتصادی قیینچیلیک و مصلحت بیرووچی مرکزلر گه ایشانمسلیک باعث مراجعت قیلمه‌یدیلر.
سوراو گه قتنشگنلردن باشقه ۱۸ نفری، قیینچیلیک‌لرینی روحی مصلحتچیلر بیلن شریک قیلگنلرینی اېتگنلر که اولر ارا ۱۱ نفری حضوری وباشقه ییتّی نفری آنلاین شکلده مراجعت قیلگن.
نهادلردن بیرقطاری روحی کسللیکّه چلینگنلر گه تیکین شکلده مصحلت بیرسه‌لرده؛ بیراق کوپینچه یاشلر اوشبو مرکزلر اوزاق‌لیگی، آگاهی‌سیزلیک و جامعه ده‌گی ناتوغری توشینچه‌لر طفیلی بو مرکزلر گه مراجعت قیلمه‌یدیلر.
بلخ‌لیک ۲۵ یاشر حسین گه کوره، انچه‌دن بیری اضطراب و استرسی کوپه‌یگن؛ بیراق بو کسللیک حقیده‌گی منفی اویلاولر باعث مصلحت بیرووچی مرکزلر گه بارمه‌گنینی معلوم قیله‌دی. اونینگ کوپه‌یتیریشیچه: «مصلحت بیرووچی آلدیگه بارمه‌گنیم سبب‌لریدن بیری بو که، جامعه بوتوغریده باشقچه اویله‌یدی و کیشی‌نینگ حیاتینی شو کسللیکّه خلاصه قیله‌دی و مسئله‌نی کتّه کورسته‌دی.»
بیزلرنینگ فیسبوک صحیفه‌میزگه باش اورینگ!
سوراو گه قتنشگن کوپینچه یاشلر، اوی‌لریدن مصلحت بیرووچی مرکزلر اوزاق‌لیگی، اقتصادی قیینچیلیک باعث، کسللری حقیده مصلحت سوره‌ش اوچون بو مرکزلر گه باره آلمسلیگینی معلوم قیله‌دیلر.
کابل‌لیک ۳۳ یاشر احمدنینگ ایتیشیچه: «حاضرگه قدر مصلحت بیرووچی مرکز گه مراجعت قیلگنیم یوق؛ چونکه بو منطقه‌ده یوق؛ روحی شفاکار بولسه قیینچیلیگیم‌نی او بیلن شریک قیلسم بو ییرده یوق.»
بلخ مرکزی مزارشریف شهری یشاوچیسی ۲۸ یاشر تانیا گه کوره، ایکّی ییل‌دن بیری روحی قیینچیلیک‌دن اذیت چېکماقده؛ بیراق حاضرگه قدر مصلحت بیرووچی تاپیش گه اولگورمه‌گن. اونینگ کوپه‌یتیریشیچه: «مصلحت بیرووچی یا-ده روحی شفاکار آلدیگه مراجعت قیلگنیم یوق؛ چونکه بودجه و شرایط مساعد اېمس اېدی؛ مالی قیینچیلیک باعث حتا آنلاین جلسه‌لرده اشتراک ایته آلمه‌دیم.»
اوشبو گزارش‌ده صحبت قیلگن ۳۰ کیشی‌دن ۱۲ نفری، روحی مصلحت آلگنلر.
روحی قیینچیلیگی بولگن بدخشان‌لیک ۳۵ یاشر نرگس‌نینگ ایتیشیچه، بوتوغریده مصلحت آلگنیدن سۉنگ حاضر احوالی بیر آز یخشی بولگن. «اوچ ییل بو کسللیک بیلن دوچ اېدیم؛ دوالش اوچون آنلاین و حضوری شکلده مصلحت آلدیم؛ ایکّی آی همکارلیک قیلدیلر؛ بو مصلحت‌لر قریب ۷۰ فایز قیینچیلیگیم‌نی حل قیلگن.»
بیزلرنینگ «ایکس» ترماغی ده هم تعقیب قیلینگ!
کابل‌لیک ۲۳ یاشر گلثوم گه کوره: «اورتاغیم بیر مصلحت بیرووچی تاپدی؛ هفته‌ده بیر مرته آنلاین جلسه قیلردیک؛ فایده قیلدی؛ استرس و باشقه قیینچیلیگیم بیر آز حل بولگن؛ حاضر احوالیم انچه یخشی دیر.»
روان‌شناس‌لردن بیرقطاری‌نینگ ایتیشلریچه، مصلحت بیرووچی مرکزلر گه مراجعت قیلیش و تخصصی مصلحت آلیش، روحی کسللیک‌لرنی دوالش گه یاردم بیریشی ممکن.
روان‌شناس محمدالله‌نینگ ایتیشیچه: «روحی کسللیکّه چلینگن کیشیلر، روحی قیینچلیک‌دن اویه‌لیب و دوالش اوچون مصلحت بیرووچی مرکزلر گه مراجعت قیلیشمه‌دی؛ بوتوغریده جامعه گه کوپ آگاهی‌لیک بیریلیشی درکار»
ساغلیق‌نی سقلش وزیرلیگی سۉزلاوچیسی شرافت زمان امرخیل، افغانستان‌ده قریب ۵۰۰ مصلحت بیرووچی مرکز بار و روحی کسللیکّه چلینگنلرنی دوالش اوچون فعالیت قیلماقده‌لیگینی بیلدیره‌دی. اونینگ کوپه‌یتیریشیچه: «بوتون مرکزلرده مصلحت بیرووچیلر بار و تیکین شکلده خذمت کورستیشه‌دی؛ اوتمیش گه نسبتن روحی کسللیکّه چلینگنلر سانی ۲۵ فایز کمه‌یگن.»
افغانستان‌ده سۉنگی ییللرده‌گی توقنشوولر، کمبغل‌لیک، ناتینچ‌لیک و باشقه معمالر، یشاوچیلرنینگ روحی کسللیکّه چلینیش‌لری سبب بولگن عامللردن اته له‌دی.
