کانلر و پترولیم وزیرلیگی مسئوللری، بوگون (۲۷-سنبله، سه‌شنبه) سلام‌وطندار بیلن اۉتکزگن صحبت‌لریده، هندوستان و پاکستان افغانستان توپراغیده تاپی لایحه‌سی عملی ایشی باشلنیشینی قۉللب-قوتله‌گنلرینی معلوم قیلگنلر.
بو وزیرلیک سۉزلاوچیسی همایون افغان گه کوره، افغانستان توپراغیده تاپی لایحه‌سی عملی ایشی باشله‌نیشیدن آلدین، اوشبو لایحه قۉللب-قوتلنیشی مقصدیده تورکمنستان ده تاپی لایحه گه دخیل تامان‌لر اۉرته‌سیده بیر شرطنامه امضالنگن.
اونینگ کوپه‌یتیریشیچه: «او ییرده تورکمنستان، افغانستان، پاکستان و هندوستان وکیللری حضور تاپگن اېدیلر و افغانستان توپراغیده تاپی لایحه‌سی باشلنیشی گه مثبت آواز بیردیلر. شرطنامه امضالنیشیده اولر نینگ حضوری مهم اېدی. اولر افغانستان توپراغیده تاپی لایحه‌سی ایشی باشلنیشینی قۉللب-قوتلش‌لرینی اېتدیلر.»
بیزلرنینگ فیسبوک صحیفه‌میزگه باش اورینگ!
اقتصادی ایش بیلرمان‌لر، افغانستان توپراغیده تاپی لایحه‌سی عملی ایشی باشلنیش مراسمیده پاکستان و هندوستان وکیللری یوق‌لیگیدن خواطر بیلدیریب، پاکستان و هندوستان بو لایحه ایشیگه حصه قوشمه‌گن حالده، بو شرطنامه اۉز اهمیتینی قولدن بیریشینی اېته‌دیلر.
اقتصادی ایش بیلرمان آذرخش حافظی گه کوره: «بو لایحه هر ییلی ۳۳ میلیارد کیوبیک فیت گاز نی افغانستان آرقه‌لی پاکستان و هندوستان گه انتقال بیره‌دی و بیر مقداری افغانستان گه یېته‌دی. بو تورت تامانلمه لایحه دیر و بیر تامان علاقه‌سیز بولگن حالده، اۉز اهمیتینی قولدن بیره‌دی.»
بیزلرنینگ «ایکس» ترماغی ده هم تعقیب قیلینگ!
اقتصادی ایش بیلرمان‌لردن باشقه بیری محمدرفیق صادق‌یار، بیر قطار مملکت‌لر بو لایحه ایشی گه اره‌لشیش اوچون سعی-حرکت قیلماقده‌لیگینی اېته‌دی. «بو لایحه منطقه سیاسی و اقتصادی مسئله‌لری گه باغلیق دیر و بیرقطار مملکت‌لر افغانستان و تورکمنستان نی واز کیچتیریش گه حرکت قیلماقده. خورسندلیک بیلن تورکمنستان و افغانستان بو لایحه نینگ باشقریش کوچیگه اېگه دیر.»
تشقی ایشلر وزیرلیگی سرپرستی امیرخان متقی، اۉتگن کون کابل ده بیرقطار مملکت‌لر نینگ ایلچیلری و منطقه ده‌گی تشکیلات‌لر وکیللری بیلن آلگن ضیافتی ده، افغانستان توپراغیده تاپی لایحه‌سی عملگه آشیریلیشیدن ایشانچ بیلدیرگن.
